ສຳນັກຂ່າວຕ່າງປະເທດ ລາຍງານໃນວັນທີ 27 ທັນວາຜ່ານມານີ້ວ່າ ບໍລິສັດພະລັງງານປະລະມະນູແຫ່ງຊາດ ຂອງບັງກະລາເທດ ໄດ້ລົງນາມຂໍ້ຕົກລົງຮ່ວມມື ກັບລັດຖະບານຣັດເຊຍ ເພື່ອພັດທະນາໂຮງງານໄຟຟ້າ ພະລັງງານນິວເຄລຍ 2 ແຫ່ງ ຊຶ່ງມີຄວາມສາມາດ ຜະລິດກະແສໄຟຟ້າໄດ້ ແຫ່ງລະກ່ວາ 1,200 ເມກກະວັດ ດ້ວຍມູນຄ່າການລົງທຶນສູງເຖິງ 12.65 ຕື້ໂດລາ.
ທ່ານ ຄາມຣູນ ອິສະລາມ ໄບອຽນ ໂຄສົກກະຊວງວິທະຍາສາດ ແລະ ເຕັກໂນໂລຊີບັງກະລາເທດ ໄດ້ລະບຸວ່າ ໂຄງການກໍ່ສ້າງໂຮງງານ ໄຟຟ້າພະລັງງານນິວເຄລຍ ຈະເລີ່ມລົງມືກໍ່ສ້າງໃນຕົ້ນປີ 2016 ນີ້ ແລະ ຄາດວ່າຈະເປີດດຳເນີນການໄດ້ ພາຍໃນປີ 2022.