ສຳນັກຂ່າວຕ່າງປະເທດ ລາຍງານໃນວັນທີ 25 ທັນວາຜ່ານມານີ້ວ່າ ທະນາຄານແຫ່ງຊາດກຳປູເຈຍ (NBC) ຫລື ທະນາຄານກາງ ໄດ້ອອກຫລຽນທີ່ລະນຶກອາຊຽນ ອອກຈຳໜ່າຍໃຫ້ແກ່ປະຊາຊົນ ໃນໂອກາດວັນກໍ່ຕັ້ງ ປະຊາຄົມເສດຖະກິດອາຊຽນ 31 ທັນວາ 2015 ນີ້ ຊຶ່ງເຮັດດ້ວຍເງິນ ນ້ຳໜັກ 31.1 ກຣາມ ໃນລາຄາໜ້າຫລຽນ 3,000 ຣຽນ ສະກຸນເງິນກຳປູເຈຍ ແລະ ອອກຈຳໜ່າຍ ໃນລາຄາຫລຽນລະ 223,000 ຣຽນ ຫລື ປະມານ 55 ໂດລາ.
ທັງນີ້ ຫລຽນທີ່ລະນຶກດັ່ງກ່າວ ທະນາຄານແຫ່ງຊາດກຳປູເຈຍ ໄດ້ເປີດໃຫ້ປະຊາຊົນ ສາມາດຊື້ໄດ້ທີ່ສຳນັກງານໃຫຍ່ຂອງທະນາຄານ ນັບແຕ່ວັນທີ 25 ທັນວາເປັນຕົ້ນໄປ.
.