spot_img
Homeຂ່າວພາຍ​ໃນສະ­ຫະ­ພັນມວຍສາ­ກົນແຫ່ງຊາດຈັດ­ການແຂ່ງ­ຂັນກິ­ລາມວຍສາ­ກົນທົ່ວປະເທດ ຄັ້ງທີ 10 ປະ­ຈຳປີ 2015

ສະ­ຫະ­ພັນມວຍສາ­ກົນແຫ່ງຊາດຈັດ­ການແຂ່ງ­ຂັນກິ­ລາມວຍສາ­ກົນທົ່ວປະເທດ ຄັ້ງທີ 10 ປະ­ຈຳປີ 2015

Published on

ສະ­ຫະ­ພັນມວຍສາ­ກົນ ແຫ່ງຊາດລາວຈັດ­ການແຂ່ງ­ຂັນກິ­ລາມວຍສາ­ກົນທົ່ວປະເທດ ຄັ້ງທີ 10 ປະ­ຈຳປີ 2015 ຂຶ້ນ, ໃນລະ­ຫວ່າງວັນທີ 23-26 ທັນ­ວານີ້ ທີ່ສູນຝຶກກິ­ລາແຫ່ງຊາດ ບ້ານສີເກີດ ເພື່ອເປັນການສົ່ງ­ເສີມນັກ­ກີ­ລາມວຍສາ­ກົນລາວໃຫ້ມີຄວາມສາມາດທຽບເທົ່າກັບສາ­ກົນ.

ຕາມການເປີດ­ເຜີຍຂອງທ່ານ ສົມພອນ ມະ­ນີຄຳ ເລ­ຂາ­ທິ­ການສະຫະພັນມວຍສາ­ກົນແຫ່ງຊາດລາວ ທັງເປັນຜູ້­ອຳ­ນວຍ­ການສູນຝຶກກິ­ລາແຫ່ງຊາດ ເມື່ອວັນທີ 18 ທັນ­ວາ ຜ່ານມາໃຫ້ຮູ້ວ່າ: ເພື່ອເປັນການສ້າງຂະບວນການຊົມ­ເຊີຍຜົນສຳເລັດສະ­ເຫຼີມ­ສະ­ຫຼອງວັນສະຖາປະນາ ສປປ ລາວ ຄົບ­ຮອບ 40 ປີ ແລະ ສົ່ງ­ເສີມນັກ­ກິ­ລາມວຍສາ­ກົນລາວໃຫ້ມີຄວາມສາ­ມາດທຽບເທົ່າກັບສາ­ກົນ ແລະເຕີບໃຫຍ່ຂະ­ຫຍາຍຕົວ­ຢ່າງກວ້າງ­ຂວາງນັ້ນ, ສະ­ຫະພັນມວຍສາ­ກົນແຫ່ງຊາດລາວຈະໄດ້ຈັດ­ການແຂ່ງ­ຂັນກິ­ລາມວຍສາກົນທົ່ວປະ­ເທດ ຄັ້ງທີ 10 ປະ­ຈຳ ປີ 2015 ຂຶ້ນໃນລະ­ຫວ່າງວັນທີ 23-26 ທັນ­ວານີ້ ທີ່ສູນຝຶກກິລາແຫ່ງຊາດ, ບ້ານສີເກີດດ ເມືອງນາຊາຍທອງ, ນະ­ຄອນ­ຫຼວງວຽງຈັນ ໂດຍຈະເລີມແຂ່ງ­ຂັນຮອບຄັດເລືອກ ໃນຕອນບ່າຍເວ­ລາ 14:00 ໂມງ ໂດຍໄດ້ມີການແຈ້ງເຊີນບັນ­ດາສະໂມສອນອ້ອມຂ້າງສູນກາງ, ສະ­ຫະພັນກີ­ລາມວຍສາ­ກົນ 17 ແຂວງ ແລະ 1 ນະ­ຄອນ­ຫຼວງວຽງຈັນ ເຂົ້າຮ່ວມແຂ່ງ­ຂັນໃນງານດັ່ງ­ກ່າວດັ່ງນັ້ນ, ໂດຍຈະມີການແຂ່ງ­ຂັນ 2 ຮຸ່ນ 4 ປະ­ເພດຄື: ຮຸ່ນເຍົາ­ວະຊົນຊາຍ-ຍິງ ອາ­ຍຸບໍ່ເກີນ 14-17 ປີ ແລະຮຸ່ນທົ່ວໄປຊາຍ-ຍິງ.

ທ່ານ ສົມພອນ ມະ­ນີຄຳ ກ່າວຕື່ມອີກວ່າ: ໃນວັນທີ 23 ທັນ­ວານີ້ ແມ່ນໄດ້ກວດເຊັກສຸຂະພາຂອງນັກ­ກິ­ລາ, ຊັ່ງນ້ຳ­ໜັກ ແລະຈັບສະຫຼາກແຂ່ງ­ຂັນ, ໃນນັ້ນຮຸ່ນເຍົາ­ວະຊົນມີທັງໝົດ 3 ລາຍ­ການຄື: ຮຸ່ນນ້ຳໜັກ 46-48 ກິໂລກຣາມ, ຮຸ່ນນ້ຳໜັກ 50-52 ກິໂລກຣາມ, ຮຸ່ນນ້ຳໜັກ 54-56 ກິໂລກຣາມ ສ່ວນຮຸ່ນທົ່ວໄປປະ­ເພດຊາຍແຂ່ງ­ຂັນ 6 ລາຍການຄື: ຮຸ່ນນ້ຳ­ໜັກ 49 ກິໂລກຣາມ, ຮຸ່ນນ້ຳ­ໜັກ 52, 56, 60, 64 ແລະ ຮຸ່ນນ້ຳ­ໜັກ 69 ກິໂລກຣາມ. ຂະນະທີ່ປະ­ເພດຍິງ ຮຸ່ນທົ່ວໄປມີ 4 ລາຍການປະກອບມີຮຸ່ນນ້ຳ­ໜັກ 48, 51, 54 ແລະ 57 ກິໂລກຣາມ.

01c4e0043b7471c29e57e0370e5b4112_L

ຂ່າວຈາກ: ໜັງສືພິມເສດຖະກິດ-ສັງຄົມ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...