ສຳນັກຂ່າວຕ່າງປະເທດ ລາຍງານໃນວັນທີ 24 ທັນວານີ້ວ່າ ໜ່ວຍກູ້ໄພຂອງຈີນ ໄດ້ພົບຜູ່ລອດຊີວິດແລ້ວ 1 ຄົນ ຫລັງຈາກທີ່ກຳລັງ ເລັ່ງຄົ້ນຫາຜູ່ລອດຊີວິດ ຈາກເຫດດິນເຈື່ອນ ຢູ່ເຂດອຸດສາຫະກຳ ເຫິງໄຕ້ອິ໋ວ (Hengtaiyu) ເມືອງເຊິນເຈິ້ນ ແຂວງກວາງຕຸ້ງ ປະເທດຈີນ ຊຶ່ງເຮັດໃຫ້ຕຶກຖະຫລົ່ມລົງກ່ວາ 33 ຫລັງ ໃນວັນອາທິດທີ 20 ທັນວາຜ່ານມາ ໂດຍຜູ່ລອດຊີວິດລາຍນີ້ ໄດ້ຮັບບາດເຈັບ ແລະ ຖືກນຳສົ່ງໂຮງໝໍແລ້ວ.

ທັງນີ້ ການພົບຜູ່ລອດຊີວິດດັ່ງກ່າວ ໄດ້ເຮັດໃຫ້ເຈົ້າໜ້າທີ່ ແລະ ອາສະໝັກກ່ວາ 5 ພັນຄົນ ມີຄວາມຫວັງວ່າ ອາດຍັງມີຜູ່ລອດຊີວິດ ທີ່ຍັງຕິດຄ້າງຢູ່ກ້ອງຊາກຫັກພັງຂອງຕຶກອາຄານຢູ່ ຊຶ່ງປັດຈຸບັນຍັງຄົງມີຜູ່ສູນຫາຍ ກ່ວາ 70 ຄົນ ແລະ ພົບສົບຜູ່ເສຍຊີວິດແລ້ວ 4 ຄົນ.