ໃນໂອກາດເດີນທາງມາຢ້ຽມຢາມ ແລະ ຮ່ວມພິທີຊາປະນາກິດສົບ ພະອາຈານ ມະຫາຜ່ອງ ສະມາເລີກ ອະດີດປະທານສູນກາງອົງການພຸດທະສາສະໜາສຳພັນລາວ ອົງທີ 4 ຂອງຄະນະຜູ້ແທນຂັ້ນສູງ ສູນກາງອົງການພຸດທະສາສະໜາສຳພັນຫວຽດນາມ ນຳໂດຍ ພະອາຈານ ທິກທຽນເຍິນ ປະທານສະພາບໍລິຫານ ອົງການພຸດທະສາສະໜາສຳພັນຫວຽດນາມ ໄດ້ສະໜັບສະໜູນເງິນສົດຈຳນວນ 1 ແສນໂດລາສະຫະລັດ ຫລື ປະມານ 800 ກວ່າລ້ານກີບ ໃຫ້ແກ່ອົງການພຸດທະສາສະໜາສຳພັນລາວ ນຳໃຊ້ເຂົ້າໃນການກໍ່ສ້າງ ແລະ ຂະຫຍາຍໂຮງຮຽນສົງ ເຊິ່ງພິທີມອບ-ຮັບໄດ້ມີຂຶ້ນໃນວັນທີ 21 ທັນວານີ້ ທີ່ນະຄອນຫລວງວຽງຈັນລະຫວ່າງພະອາຈານທິກທຽນເຍິນ ແລະ ພະອາຈານ ໂງ່ນ ດຳລົງບຸນ ປະທານສູນກາງອົງການພຸດທະສາສະໜາສຳພັນລາວ.
ໃນໂອກາດນີ້ ກໍມີການພົບປະສອງຝ່າຍ ເພື່ອແນໃສ່ເພີ່ມທະວີການພົວພັນ, ຮ່ວມມືຊ່ວຍເຫລືອດເຊິ່ງກັນ ແລະ ກັນລະຫວ່າງພຸດທະສາສະໜາສອງປະເທດລາວ-ຫວຽດນາມ ໃຫ້ນັບມື້ແໜ້ນແຟ້ນຍິ່ງຂຶ້ນ, ພ້ອມກັນປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ນັບມື້ຈະເລີນຮຸ່ງເຮືອງ, ປະກອບສ່ວນເຂົ້າໃນການເພີ່ມພູນຄູນສ້າງ ສາຍພົວພັນຮ່ວມມືແບບພິເສດ ແລະ ຮອບດ້ານ ລະຫວ່າງສອງປະເທດລາວ-ຫວຽດນາມ ໃຫ້ໝັ້ນຄົງທະນົງແກ່ນ ຊົ່ວກາລະນານ.
ແຫລ່ງຂ່າວ:
