ຄະນະ​ສານ​ອາຍາ ສານ​ປະຊາ​ຊົນ​ຂັ້ນ​ຕົ້ນ ນະຄອນຫຼວງ​ວຽງຈັນ ໄດ້​ນຳ​ເອົາ​ຄະດີ​ຂອງ​ທ້າວ ທອງ ອາຍຸ 28 ປີ ຢູ່​ບ້ານ​ອຸດົມຜົນ ເມືອງ​ໄຊ​ທານີ ນະຄອນຫຼວງວຽງ​ຈັນ ຂຶ້ນ​ມາ​ພິຈາລະນາ​ຕັດສິນ​ ໃນ​ສະຖານ​ມີ​ວັດຖຸ​ລະເບີດໄວ້​ໃນ​ຄອບ​ຄອງ​ ໂດຍ​ບໍ່​ຖືກຕ້ອງຕາມ​ກົດໝາຍ ໃນ​ວັນ​ທີ 15 ທັນວາ 2015 ຜ່ານ​ມາ.

ຜ່ານ​ການ​ຄົ້ນຄວ້າ​ບັນດາ​ຂໍ້​ມູນ​ຫຼັກ​ຖານ ເອກະສານ​ຕ່າງໆ​ທີ່​ປະກອບ​ຢູ່​ໃນ​ສຳນວນ​ຄະດີ ແລະ ຄຳ​ຮັບ​ສາລະພາບ​ໃນ​ທີ່​ປະຊຸມສານ​ຂອງ​ຈຳເລີຍ ​ແລ້ວ​ເຫັນ​ວ່າ: ຈຳເລີຍ​ມີ​ຄວາມ​ຜິດ​ຢ່າງ​ແທ້​ຈິງ ຈຶ່ງ​ເຫັນ​ຄວນ​ລົງໂທດ​ຈຳເລີຍ ​ໃຫ້​ຈຳ​ຄຸກ​ເປັນ​ເວລາ 6 ເດືອນ ພ້ອມ​ທັງ​ປັບ​ໃໝ 500.000 ກີບ.