ກອງປະຊຸມສະຫຼຸຸບ ວຽກງານເຄື່ອນໄຫວຕ່າງປະ ເທດ ປະຈຳປີ 2015 ຂອງບັນ ດາອົງການພັກ ສູນກາງແນວ ລາວສ້າງຊາດ, ອົງການຈັດຕັ້ງ ມະຫາຊົນ, ສະມາຄົມມິດຕະ ພາບ, ຄະນະສັນຕິພາບ
ແລະ ສາມັກຄີຂອງລາວໄດ້ຈັດ ຂຶ້ນໃນວັນທີ 22 ທັນວານີ້, ທີ່ຄະນະພົວພັນຕ່າງປະເທດ ສູນກາງພັກ ໂດຍການເປັນ ປະທານຂອງທ່ານ ດຣ. ນາງ ສູນທອນ ໄຊຍະຈັກ ຫົວໜ້າ ຄະນະພົວພັນຕ່າງ ປະເທດສູນ ກາງພັກ, ມີບັນດາຄະນະກົມ, ພະນັກງານກ່ຽວຂ້ອງຈາກອົງ ການຈັດຕັ້ງຂອງພັກ ແລະ ພາກ ສ່ວນທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ, ທ່ານ ວັນຊາ ລາວເຍຍດາ ຫົວໜ້າຫ້ອງການຄະນະພົວພັນຕ່າງ ປະເທດສູນກາງພັກໄດ້ຜ່ານບົດສະຫຼຸຸບກ່ຽວກັບການເຄື່ອນ ໄຫວວຽກງານການຕ່າງປະເທດ ຂອງພັກ ແລະ ການ ທູດ ປະຊາຊົນໃນໄລຍະ 1 ປີຜ່ານມາໂດຍໄດ້ຕີລາຄາດ້ານດີ, ດ້ານຄົງຄ້າງ, ບົດຮຽນທີ່ຖອດຖອນໄດ້ ແລະ ສະເໜີທິດທາງແຜນ ການເຄື່ອນໄຫວໃນຕໍ່ໜ້າຂອງ ບັນດາອົງການຈັດຕັ້ງດັ່ງກ່າວ ຫຼັງ ຈາກນັ້ນ ກອງປະຊຸມຍັງໄດ້ ແລກປ່ຽນຄວາມຄິດເຫັນກ່ຽວ ກັບການຈັດຕັ້ງປະຕິບັດການ ເຄື່ອນໄຫວວຽກງານການຕ່າງ ປະເທດຂອງພັກ ສູນກາງແນວ ລາວສ້າງຊາດ ບັນດາອົງການ ຈັດຕັ້ງມະຫາຊົນຂັ້ນສູນ ກາງ ສະມາຄົມມິດຕະພາບ ແລະ ຄະນະສັນຕິພາບ ແລະ ສາມັກຄີຂອງລາວ ເປັນຕົ້ນແມ່ນການພົວພັນປະສານງານການນຳໃຊ້ງົບປະມານ ແລະ ອື່ນໆດ້ວຍຄວາມຮັບຜິດຊອບສູງ.
ຕອນທ້າຍ, ທ່ານ ດຣ. ນາງ ສູນທອນ ໄຊຍະຈັກ ໄດ້ເນັ້ນວ່າ: ໃນເງື່ອນໄຂທີ່ລາວ ພວມມີການເຊື່ອມໂຍງກັບພາກພື້ນ ແລະ ສາກົນການ ເຄື່ອນໄຫວຕ່າງປະເທດຂອງພັກ ແລະ ການທູດປະຊາ ຊົນ ຂອງອົງການຈັດຕັ້ງມະຫາຊົນ ຍິ່ງມີຄວາມຈຳເປັນ ແລະ ແມ່ນໜ້າທີ່ຂອງອົງການທີ່ກ່ຽວຂ້ອງ ທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດແນວທາງການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມື ສະເໝີຕົ້ນສະເໝີປາຍ ແນໃສ່ ເຮັດໃຫ້ການທູດການເມືອງ ແລະ ການທູດປະຊາຊົນມີຄວາມ ຕິດພັນກັບການທູດເສດຖະ ກິດການທູດວັດທະນະທຳ-ສຶກສາ ແລະ ປ້ອງກັນຊາດ-ປ້ອງ ກັນຄວາມສະຫງົບໃຫ້ດີຂຶ້ນ ກວ່າເກົ່າ ຈຶ່ງຮຽກຮ້ອງໃຫ້ບັນ ດາອົງການຈັດຕັ້ງຂອງພັກ ແລະ ພາກສ່ວນກ່ຽວຂ້ອງ ຈົ່ງ ເຊີດຊູຄວາມເປັນເຈົ້າການນຳ ໃຊ້ທຸກຄວາມອາດສາມາດ ແລະ ທ່າແຮງບົ່ມຊ້ອນ ເພື່ອ ຈັດຕັ້ງຜັນຂະຫຍາຍແນວທາງ ການຕ່າງປະເທດຂອງລາວ ໃຫ້ປະກົດຜົນເປັນຈິງປະກອບ ສ່ວນຢ່າງສົມກຽດເຂົ້າໃນພາ ລະກິດປົກປັກຮັກສາສັນຕິພາບ ສະຖຽນລະພາບ ແລະ ການພັດທະນາ ຂອງມວນມະນຸດໃນທົ່ວໂລກ.
ແຫ່ລງຂ່າວ
