ສຳນັກຂ່າວຕ່າງປະເທດ ລາຍງານໃນວັນທີ 22 ທັນວາຜ່ານມານີ້ວ່າ ກອງທັບອີຣັກ ໄດ້ນຳກຳລັງບຸກເຂົ້າສູ່ພື້ນທີ່ໃຈກາງ ເມືອງຣາມາດີ ເພື່ອບຸກຕີຍຶດພື້ນທີ່ຂອງເມືອງຄືນ ຈາກການຍຶດຄອງຂອງກຸ່ມລັດອິດສະລາມ ຫລື ໄອເອັສ ຊຶ່ງໜ່ວຍສືບຂ່າວຂອງອີຣັກ ໄດ້ປະມານໄວ້ວ່າ ມີນັກຮົບໄອເອັສ ປະມານ 250-300 ຄົນ ຍັງຄົງປັກຫລັກ ຢູ່ພາຍໃນເມືອງດັ່ງກ່າວ ໂດຍຖ້າຫາກສາມາດ ບຸກຕີຍຶດເມືອງຣາມາດີໄດ້ສຳເລັດ ແມ່ນຈະເປັນໄຊຊະນະຄັ້ງສຳຄັນ ແລະ ເພີ່ມຂວັນກຳລັງໃຈ ໃຫ້ແກ່ກອງທັບອີຣັກ ທີ່ຖືກກຸ່ມໄອເອັສ ຍຶດຄອງພື້ນທີ່ປະມານ 1/3 ຂອງປະເທດ ໃນປີ 2014 ທີ່ຜ່ານມາ.