ການແຂ່ງຂັນບານເຕະ ຊິງແຊມປ໌ສະໂມສອນໂລກ 2015 ທີ່ສະໜາມ ນິດສັນ ສະເຕດຽມ ໃນໂຍໂກຮາມາ ປະເທດຍີ່ປຸ່ນຮອບຊິງຊະນະເລີດ ລະຫວ່າງ ບາເຊໂລນາ ແຊມປ໌ເອີຣົບຈາກແອດສະປາຍ ປະທະ ຣິເວີລ໌ເພດ ແຊມປ໌ອາເມລິກາໃຕ້ ຈາກອາກຊັງຕິນ ເກມນັນີ້ ບາເຊໂລນາ ຈັດໜັກສົ່ງຊຸດໃຫຍ່ລົງນຳທີມໂດຍ 3 ຕົວປະສານ ລີໂອເນນ ເມດຊີ, ຫລຸຍສ໌ ຊົວເລຊ ແລະ ເນມາລ໌
ໃນຂະນະທີ່ ຣິເວີລ໌ເພດ ຍັງໃຊ້ຊຸດເດີມກັບເກມຊະນະ ຊານເຟຣນຊ໌ ໃນຮອບກ່ອນນ້ານີ້ໂດຍມີ ລູຄັດ ອະຣາລິໂອ ນຳທີມຜົນປະກົດວ່າ ບາເຊໂລນາ ຖະຫຼົ່ມເອົາຊະນະ ຣິເວີລ໌ເພດ ຂາດລອຍ 3-0 ໂດຍ ບາຊ່າ ໄດ້ປະຕູ ຈາກການຍິງຂອງ ເມດຊີ ໃນນາທີ 35, ຊົວເລຊ ໃນນາທີ 49 ແລະ ນາທີ 68 ຄວ້າແຊມປ໌ສະໂມສອນໂລກເປັນສະໄໝທີ່ 3 ໄດ້ສຳເລັດ