spot_img
Homeຂ່າວເຫດການການນຳຂັ້ນສູງເຂົ້າຮ່ວມພິທີຊາປານະກິດສົບພຣະອາຈານ ດຣ. ມະຫາຜ່ອງ ສະມາເລີກ

ການນຳຂັ້ນສູງເຂົ້າຮ່ວມພິທີຊາປານະກິດສົບພຣະອາຈານ ດຣ. ມະຫາຜ່ອງ ສະມາເລີກ

Published on

mahaphong

ໃນຕອນ​ບ່າຍວັນທີ 20 ທັນວານີ້, ໄດ້​ມີ​ພິທີ​ເຄື່ອນ​ພຣະສົບຂອງ​ພຣະອາຈານດຣ. ມະຫາ​ຜ່ອງ​ສະມາ​ເລີກ ອະດີດ​ປະທານ​ສູນ​ກາງ​ອົງການ​ພຸດທະ​ສາດສະໜາ​ສໍາ​ພັນ​ລາວ​ອົງ​ທີ 4 ຈາກ​ວັດ​ມະຫາ​ວິຫານ​ອົງ​ຕື້, ​ເມືອງ​ຈັນທະ​ບູລີນະຄອນຫລວງ​ວຽງ​ຈັນ, ​ໄປ​ຊາ​ປານະ​ກິດ​ ຢູ່​ທີ່​ເດີ່ນ​ພະທາດ​ຫລວງ ​ໂດຍ​ການ​ເຂົ້າ​ຮ່ວມ​ຂອງ​ທ່ານ ຈູມ​ມາລີ ​ໄຊ​ຍະ​ສອນ ​ເລຂາທິການ​​ໃຫຍ່​ປະທານ​ປະ​ເທດ​ແຫ່ງ ສປປ ລາວ ພ້ອມ​ດ້ວຍ​ຄະນະ​ລັດຖະບານ, ສະພາ​ແຫ່ງ​ຊາດ, ສູນ​ກາງ​ແນວ​ລາ​ວສ້າງ​ຊາດ, ອົງການ​ຈັດ​ຕັ້ງ​ມະຫາຊົນ ​ແລະ ມວນ​ຊົນ​ຊາວ​ນະຄອນຫລວງ​ວຽງ​ຈັນ​ເຂົ້າ​ຮ່ວມ​ເປັນ​ຈຳນວນ​ຫລວງ​ຫລາຍ. ​ໃນ​ຂະ​ບວນ​ເຄື່ອນ​ພຣະສົບ​ປະກອບ​ມີ: ຂະບວນຜູ້ຊົງຄຸນວຸດທິ, ຂະບວນສະຫລຽງພຣະມະຫາເຖຣະສູດຍອດມຸກ, ຂະບວນຈູງພຣະ ສົບມີພຣະສົງສາມະເນນ 400 ອົງ, ຂະບວນລົດພຣະສົບ,ຂະບວນດົນຕີພື້ນເມືອງລາວ, ຂະບວນມະຫາຊົນ

ເຂົ້າຮ່ວມ ພິທີອັງເຊີນ ແລະ ກໍາລັງຊາວໜຸ່ມຫລາຍກວ່າ 2 ພັນຄົນ ຍືນສອງຂ້າງທາງແຕ່ປະຕູໄຊຮອດເດີນທາດຫລວງ, ຫລັງ​ຈາກ​​ນັ້ນ ກໍ​ມີ​ພຣະສົງ​ສາມະ​ເນນ ​ແລະ ຍາດ​ໂຍມ​ເຂົ້າ​ວາງ​ດອກ​ໄມ້​ທູບ​ທຽນ​ ​ເມື່ອ​ມາ​ຮອດ​ເວລາ 21:00 ​ໂມງ ​ໄດ້​ມີ​ພິທີ​ຖວາຍ​ພຣະ​ເພີງ​ສົບ​ ​ແລະ ​ໃນ​ວັນ​ທີ 21 ທັນວາ 2015 ເວລາ 9:00 ໂມງແມ່ນຈະ​ມີພິທີເກັບດູກ, ຕອນຄໍ່າເວລາ18:00 ໂມງແມ່ນສູດໄຊຍະມຸງຄຸນ, ວັນທີ 23 ທັນວາ ຈະເປັນມື້ຕັ້ງກອງບຸນ, ສູດໄຊຍະ ມຸງຄຸນ ແລະ ວັນທີ 23ທັນວາ ເວລາ 7:00 ຈະມີ ພິທີຕັກບາດຖວາຍສັງຄະທານເລິກ ມຸງຄຸນພຣະສົງ 101 ອົງ.

ພະອາຈານໃຫຍ່ມະຫາຜ່ອງສະມາເລີກ ໄດ້ລະສັງຂານໃນວັນທີ 7 ຕຸລາ 2015 ທີ່​ວັດ​ອົງ​ຕື້​ມະຫາ​ວິຫານ ກໍໄດ້ມີບັນດາ​ອອກ​ຕົນ​ຍາດ​​ໂຍມທົ່ວ​ສາລະ​ທິດທັງ​ພາຍ​ໃນ ​ແລະ ຕ່າງປະ​ເທດຫລັ່ງ​ໄຫລກັນ​ເຂົ້າມາກາບສັກກາຣະ​ສາ​ຣິຣະສັງຂານພະອາຈານ​ໃຫຍ່ຢູ່​ວັດ​ອົງ​ຕື້ມະຫາ​ວິຫານ, ເພື່ອ​ສະ​ແດງ​ຄວາມ​ເຄົາລົບ​ບູຊາ, ຄວາມ​ກະ​ຕັນ​ຍູ​ກະຕະ​ເວທີ, ຮູ້​ບຸນຄຸນ ​ແລະ ຄຸນງາມ​ຄວາມ​ດີຂອງ​ພະ​ອາຈານ​ໃຫຍ່, ໂດຍມີ​ພິທີບຳ​ເພັນ​ກຸສົນຢ່າງ​ຕໍ່​ເນື່ອງ, ​ມີ​ການ​ເຮັດບຸນ​ປະຈຳ​ວັນ​ເປັນ​ຕົ້ນ​ແມ່ນໃສ່​ບາດຖວາຍ​ສັງຂະທານ​, ​ສູດ​ພຣະອະພິທັມ, ຖວາຍ​ພັດ​ຕາ​ຫານ​ເພນ ​ແລະ ຮັບ​ຕ້ອນ​ການ​ເຂົ້າ​ສັກກາຣະ​ສາ​ຣິຣະສັງຂານຈາກ​ຄະນະພະສົງ ​ແລະ ອອກ​ຕົນຍາດ​​ໂຍມ,​ ສູດ​ພຣະ​ອະພິທັມ, ຟັງ​ເທສະໜາ, ຄາຣາວະຮັບ​ພອນ,ກິດຈະກຳ ສົນທະນາ​ທັມ ​ແລະ ອື່ນໆຕາມປະເພນີ.

ແຫ່ລງຂ່າວ

ລພນ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...