ZTE ໄດ້ປະກາດເປີດໂຕສະມາດໂຟນສານຕໍ່ຕະກຸນ Axon ນັ້ນກໍຄື Axon MAX ເຊິ່ງເປັນສະມາດໂຟນລະດັບສູງທີ່ເບິ່ງແລ້ວມີຄວາມຫຼູຫຼາບໍ່ເບົາເລີຍ ອີກຢ່າງ Axon MAX ເປັນສະມາດໂຟນລຸ້ນທຳອິດໃນຕະກຸນ Axon ທີ່ໃຊ້ຈໍຂະໜາດ 6 ນິ້ວ ກ່ອນໜ້ານີ້ກໍມີ Axon Elite, Axon Lux ແລະ Axon Pro  ທີ່ໃຊ້ຈໍຂະໜາດ 5.5 ນິ້ວ ແລະ ລຸ້ນ Axon mini ໃຊ້ຈໍ 5.2 ນິ້ວ.

ສຳລັບສະເປັກຂອງ Axon MAX ມີດັ່ງນີ້:
– ໃຊ້ງານໄດ້ 2 ຊິມ
– ໃຊ້ງານຈໍ AMOLED ຂະໜາດ 6 ນິ້ວ ຄວາມລະອຽດ Full HD
– ໃຊ້ງານໜ່ວຍປະມວນຜົນລະດັບກາງລຸ້ນໃໝ່ Snapdragon 617
– RAM 3 GB
– ROM 32 GB ສາມາດເພີ່ມ MicroSD ໄດ້ (ໃສ່ໃນຖາດຊິມ 2 ເຊິ່ງຕ້ອງເລືອກວ່າຈະໃຊ້ງານ SIM ຫຼື MicroSD)
– ກ້ອງຫຼັງ 16 ລ້ານພິກເຊວ
– ກ້ອງໜ້າ 13 ລ້ານພິກເຊວ
– ໃຫ້ແບັດເຕີຣີມາເຖິງ 4140 mAh ອີກທັງຍັງຮອງຮັບມາດຕະຖານ Quick Charge 2.0 ສາມາດສາກແບັດຈາກ 0% ຫາ 60% ໄດ້ພຽງແຕ່ 30 ນາທີເທົ່ານັ້ນ
– ໃຊ້ພອຣດ USB type-C
– ໃຊ້ລະບົບສຽງ AK4961 24-bit ADC
– ໃຊ້ງານລະບົບສະແກນລາຍນິ້ວມືທີ່ດ້ານຫຼັງໂຕເຄື່ອງ

ສຳລັບລາຄາເປີດໂຕຢ່າງເປັນທາງການແມ່ນ 2,799 ຢວນ ( 3.820.000 ກີບ ) ແລະຕອນນີ້ມີພຽງແຕ່ສີທອງເທົ່ານັ້ນ ແລະຈະເລີ່ມຂາຍທີ່ປະເທດຈີນໃນທ້າຍເດືອນນີ້ ສ່ວນການນຳອອກມາຂາຍນອກປະເທດຈີນນັ້ນຍັງບໍ່ມີການປະກາດອອກມາເທື່ອ.

  ທ້າຍນີ້ ທາງບໍລິສັດ ZTE ຍັງໄດ້ເປີດໂຕ “Global VIP Passport” ສຳລັັບບໍລິການຫຼັງການຂາຍອີກນຳ. (ລາຍລະອຽດເພີ່ມຕື່ມສາມາດເຂົ້າໄປອ່ານທີ່ທ້າຍຂ່າວຕົ້ນທາງ)

ທີ່ມາ:gsmarena