spot_img
Homeຂ່າວເຫດການກຽມຈັດງານຊາປະນາກິດສົບ ພຣະອາຈານ ດຣ. ມະຫາຜ່ອງ ສະມາເລີກ 20 ທັນວານີ້!

ກຽມຈັດງານຊາປະນາກິດສົບ ພຣະອາຈານ ດຣ. ມະຫາຜ່ອງ ສະມາເລີກ 20 ທັນວານີ້!

Published on

DSC_8789 achanephon 1

ຂປລ. ​ງານຊາປະນາກິດສົບພະອາຈານ ດຣ. ມາຫາຜ່ອງ ສະມາເລີກອະດີດປະທານສູນກາງ ອົງການພຸດທະສາສະໜາສໍາພັນລາວ ອົງທີ 4 ​ແມ່ນ​ໄດ້​ເລີ່​ມ​ແຕ່ວັນ​ທີ 16-20 ທັນວາ 2015 ນີ້ເຊິ່ງທ່ານ ສາຍທອງແກ້ວດວງດີ ຮອງເຈົ້າຄອງນະຄອນຫລວງວຽງຈັນ, ​ໄດ້ຖະແຫລງຂ່າວກ່ຽວກັບງານດັ່ງກ່າວ​​ໃນວັນທີ 17 ທັນວາ 2015 ນີ້ວ່າງານຊາປະນາກິດສົບພະອາຈານດຣ. ມະຫາຜ່ອງສະມາເລີກ ຈະໄດ້ຈັດຂຶ້ນ​​ໃນວັນທີ 20 ທັນວາ 2015 ​ໂດຍຈະໄດ້ເລີ່ມຕົ້ນແຕ່ເວລາ 12 ​ໂມງເປັນຕົ້ນໄປ ຈະມີຂະບວນແຫ່ສົບໄປຍັງປະຕູໄຊ, ຫລັງຈາກນັ້ນ ກໍຈະໄດ້ຈັດຂະບວນ​​ແຫ່ສົບແຕ່ປະຕູໄຊໄປຫາສະໜາມຫລວງຢ່າງເປັນຂະບວນທີ່ຍິ່ໃຫຍ່ໂດຍການນໍາພັກ​, ລັດແລະ ຂະບວນກຽດຕິຍົດ​ ​ເຊິ່ງປະກອບມີຂະບວນທ່ານຊາຍຊົງຄຸນວຸດທິ 8 ທ່ານ, ນຸ່ງຊຸດລາວສີຂາວອຸ້ມຂັນໝາກເບັງອອກໜ້າແລະ 2 ທ່ານ ຊ້າຍຂວາ ຖືທຸງຊາດແລະ ທຸງສາສະໜາ, ຂະບວນຈູງສົບ​ ​ແມ່ນມີພະສົງສຳມະເນນ 400 ອົງ, ຂະບວນພະສົງສຳມະເນນແຫ່ຕາມຫລັງຈໍານວນ 500 ອົງ, ຂະບວນລົດ​ດົຕີພື້ນເມືອງລາວ, ຂະບວນມະຫາຊົນແລະ ຂະບວນຊາວໜຸ່ມຢືນຢູ່ສອງຂ້າງທາງ​​ແຕ່ປະຕູໄຊເຖິງສະໜາມຫລວງ.

ທ່ານ ສາຍທອງແກ້ວດວງດີ ຍັງກ່າວຕື່ມອີກວ່າ​: ຂະບວນແຫ່​ ສົບ​ໄປຍັງສະໜາມຫລວງໃຊ້ເວລາປະມານ 30 ນາທີຫລັງຈາກນັ້ນ ເວລາ 15 ​ໂມງ 15 ນາທີ ພິທີຖອດຜ້າບັງສະກຸນຊຸດທີ 1, ມີພະ 4 ອົງແລະຊຸດທີ 2 ມີພະ 26 ອົງ, ພະເຖຣະຂັ້ນສູນກາງແລະ ພະສົງຕາງປະເທດຕ່າງໆແລະ  ການນໍາພັກລັດແລະ ຜູ້ຕາງໜ້າປະເທດຕ່າງໆຂຶ້ນວາງດອກໄມ້ທູບທຽນ​, ຈາກນັ້ນເວລາ 21 ​ໂມງຈະໄດ້ວາງເພີງຮ້ອນຢ່າງເປັນທາງການ. ສ່ວນວັນທີ ວັນທີ 21 ​ເວລາ 9 ​ໂມ ຈະໄດ້ຈັດພິທີເກັບດູກ ສູດໄຊຍະມົງຄຸນ; ​ໃນວັນທີ 22 ທັນວາ 2015 ​ເປັນມື້ຫໍ່ເຂົ້າຕັ້ງກອງບຸນ, ຕັກບາດແລະ ຖວາຍສັງຄະທານເລີກມົງຄຸນ ພະສົງ 101 ອົງ.

ໃນໂອກາດນີ້ ທ່ານ ສາຍທອງແກ້ວດວງດີ ຍັງໄດ້ຮຽກຮ້ອງໃຫ້ພໍ່ແມ່ປະຊາຊົນຜູ້ທີ່ມີນ້ຳໃຈໄສສັດທາທີ່ຢາກມາຮ່ວມ ໃນພິທີຊາປະນາກິດສົບໃນຄັ້ງນີ້ ຈົ່ງໃຫ້ໄປ ເຕົ້າໂຮມກັນຢູ່ທີ່ສະໜາມຫລວງ ເຊິ່ງທາງຄະນະກໍາມະການໄດ້ກຽມສະຖານທີ່ໄວ້ຮອງຮັບຢ່າງກວ້າງຂວາງ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...