ອີງຕາມການເປີດເຜີຍຂອງ ຫົວໜ້າຂະແໜງປູກຝັງ ພະແນກກະສິກໍາ ແລະ ປ່າໄມ້ແຂວງຄໍາມ່ວນ ໃນວັນທີ 15 ທັນວາ 2015 ຜ່ານມາໃຫ້ຮູ້ວ່າ ລະດູການຜະລິດເຂົ້ານາແຊງປີນີ້ ທົ່ວແຂວງມີແຜນຜະລິດເຂົ້າໃຫ້ໄດ້ ໃນເນື້ອທີ່ 10.000 ເຮັກຕາ ຄາດຄະເນຈໍານວນແນວປູກ 800 ໂຕນ ຄາດຄະເນສະມັດຖະພາບໃຫ້ບັນລຸ 5,6 ໂຕນ/ເຮັກຕາ ຄາດຄະເນຜົນຜະລິດ 56.000 ໂຕນ.
ສໍາລັບການຜະລິດເຂົ້ານາແຊງປີນີ້ ແມ່ນໄດ້ເລີ່ມລົງມືຕົກກ້າມາແຕ່ວັນທີ 15 ພະຈິກ 2015 ຮອດປັດຈຸບັນ ໝົດແນວເຂົ້າປູກ 61 ໂຕນ ເທົ່າກັບ 8 % ຂອງແຜນການ ດ້ານການປູກພືດລະດູແລ້ງປີນີ້ ທົ່ວແຂວງມີເນື້ອທີ່ແຜນການທັງໝົດ 10.000 ເຮັກຕາ ຄາດຄະເນສະມັດຖະພາບ 6,16 ເຮັກຕາ ຄາດຄະເນຜົນຜະລິດ 61.600 ເຮັກຕາ ຜ່ານການຈັດຕັ້ງປະຕິບັດການປູກພືດລະດູແລ້ງໄດ້ເລີ່ມລົງມືມາແຕ່ຕົ້ນເດືອນຕຸລາ 2015 ມາຮອດປັດຈຸບັນ ຈັດຕັ້ງປະຕິບັດໄດ້ໃນເນື້ອທີ່ 4.779 ເຮັກຕາ ເທົ່າກັບ 48 % ຂອງເນື້ອທີ່ແຜນການ ສໍາລັບການຜະລິດເຂົ້ານາປີໃນທົ່ວແຂວງມາຮອດປັດຈຸບັນແມ່ນສໍາເລັດ ແລ້ວ 100%.
ແຫລ່ງຂ່າວ:
