ການແຂ່ງຂັນບານເຕະ ໂກປາ ເດີເລຍ໌ ແອດສະປາຍ ຮອບ 32 ທີມ ນັດ 2 ແອດເລຕິກ ບິນເບົາ ທີມໃນລາລີກາ ແອດສະປາຍ ເປີດສະໜາມຮັບການມາເຢືອນຂອງ ລີເນນເຊ່ ທີມລະດັບລີກາ 3 ໂດຍນັດທຳອິດ ບິນເບົາ ບຸກໄປເອົາຊະນະ ມາກ່ອນແລ້ວ 2-0 ແລະຜົນນັດນີ້ກໍເປັນໄປຕາມຄາດ ເຈົ້າຖີ່ນ ເໜືອກວ່າທັງນັກເຕະ ແລະ ສັກກະຍະພາບຂອງທີມໄລ່ຖະຫຼົ່ມ ທີມເຢືອນໄປ 6-0 ປະຕູ ໂດຍ ໄດ້ປະຕູຈາກ ອອສກາ ເດ ມາກອສ ໃນນາທີທີ່ 9, ຊາເວຍ ອີຣາໂຊ່ ໃນນາທີ 49, ຊາເວຍ ເອດເຊຍຕ້າ ໃນນາທີ 56, ກີເກ້ ໂຊລ່າ ໃນນາທີ 63 ຣາອູນ ກາລ໌ເຊຍ ໃນນາທີ 67 ແລະ ມິເກລ ຣິໂກ້ ໃນນາທີ 89 ເຮັດໃຫ້ຜົນລວມ 2 ນັດ ບິນເບົາ ເອົາຊະນະໄປ 8-0 ປະຕູ ຜ່ານເຂົ້າຮອບ 16 ທີມສຸດທ້າຍຕາມຄາດ