ການແຂ່ງຂັນບານເຕະ ເດເອຟເບ ໂພຄານ ຮອບ 16 ທີມສຸດທ້າຍ ເອົາສ໌ບວກ ເປີດສະໜາມ WWK ອາລີນາ ຕ້ອນຮັບການມາເຢືອນຂອງ ໂບຣຸສເຊຍ ດອທມຸນດ໌ ໂດຍເກມນັດນີ້ ມາລ໌ຄຸດ ໄວນ໌ຊຽວ ຄູເຝິກ ເຈົ້າຖີ່ນ ຝາກຄວາມຫວັງໃນແນວບຸກໄວ້ທີ່ສອງແຄ່ງເກົາຫລີໃຕ້ ຈີ ດອງ ວອນ ກັບ ຄູ ຈາ ໂຊ ລວມເຖິງກອງໜ້າ ລາອູນ ໂບບາດີຢາ

ດ້ານທີມເຢືອນຂອງ ໂທມັສ ທູເຄີລ ຕ້ອງຂາດຕົວສຳຄັນເຊັ່ນ ມາລ໌ໂກ ລອຍສ໌ ທີ່ບາດເຈັບແລະໜ້າຈະໝົດສິດລົງຫຼີ້ນນທຸກນັດທີ່ເຫຼືອໃນປີ 2015 ສ່ວນຄົນອື່ນໆຍັງເປັນຊຸດເດີມຈາກນັດກ່ອນໃນລີກທີ່ຖະຫຼົ່ມແຟລງຄ໌ ເຟິລ໌ຕ 4-1

ຜົນການເເຂ່ງຂັນປະກົດວ່າ ເຄີ່ງເວລາທຳອິດຮູບເກມສູສີ ເຖິງວ່າ ດອທມຸນດ໌ ຈະເປັນຝ່າຍຄອງບານໄດ້ຫຼາຍກວ່າ ເຮັດໃຫ້ຍັງສະເໝີກັນຢູ່ທີ່ 0-0 ຂະນະທີ່ເຄີ່ງເວລາທີ 2 ໃນນາທີ 61 ປິແອລ໌ ເອເມີລິກ ໂອບາເມຍອງ ຍິງໃຫ້ ດອທມຸນດ໌ ຂຶ້ນນຳ 1-0 ປະຕູ ຈາກນັ້ນອີກ 5 ນາທີເທົ່ານັ້ນ ທີມເຢືອນ ເພີ່ມລູກທີ 2 ໄດ້ຈາກ ຣາກເນີລ໌ ຄາວານ ຊ່ວຍໃຫ້ທີມບຸກຂື້ນນຳຫ່າງເພີ່ມເປັນ 2-0 ປະຕູ ຫຼັງຈາກນັ້ນບໍ່ມີປະຕູເກີດຂຶ້ນເພິ່ມອີກ ເຮັດໃຫ້ສຸດທ້າຍຈົບເກມເປັນໂບຣຸສເຊຍ ດອທມຸນດ໌ ທີ່ບຸກຢ້ຳແຄ້ນເອົາຊະນະໄປ 2-0 ປະຕູ ຜ່ານເຂົ້າສູ່ຮອບ 8 ທີມສຸດທ້າຍການແຂ່ງຂັນ ເດເອຟເບ ໂພຄານ ໄດ້ສຳເລັດ