ການແຂ່ງຂັນບານເຕະ ຊິງແຊມປ໌ສະໂມສອນໂລກ ຟີຟ່າ ຄລັບ ເວີລດ໌ ຄັບ ທີ່ປະເທດຍີ່ປຸ່ນ ຮອບຮອງຊະນະເລີດ ຣິເວີລ໌ເພຼດ ຈາກອາກຊັງຕິນ ຕົວແທນໂຊນອາເມລິກາໃຕ້ ເອົາຊະນະ ຊານເຟຊເຊ ຮິໂຣຊິມາ ຈາກຍີ່ປຸ່ນ ຕົວແທນຊາດຂອງເຈົ້າພາບ 1-0 ໄດ້ປະຕູໄຊຈາກ ລູຄັສ ອະລາຣິໂອ ໃນນາທີ 72 ລິຣິເວີລ໌ເພຼດ ຈະແຂ່ງຂັນໃນຮອບຊິງຊະນະເລີດໃນວັນທີ 20 ທັນວາ 2015 ພົບຜູ້ຊະນະຄູ່ລະຫວ່າງ ບາເຊໂລນາ ພົບກັບ ກວ່າງໂຈວ ເອເວີແກຣນດ໌ ສ່ວນວ່າ ຊານເຟຊເຊ ຮິໂຣຊິມາ ຕ້ອງໄປຊິງອັນດັບ 3 ພົບທີມເສຍ ເຊີ່ງຈະແຂ່ງຂັນໃນວັນທີ 20 ທັນວາ 2015 ເຊັ່ນດຽວກັນ

ສ່ວນຄູ່ຊິງອັນດັບ 5 ຄັບ ອາເມລິກາ ຈາກເເມັກຊິໂກ ຕົວແທນໂຊນຄອນຄາເຄຟ ເອົາຊະນະ ເຕເປ ມາເຊມເບ້ ຈາກດີອາລ໌ ຄອງໂກ ຕົວແທນໂຊນອັບຟຣິກາ 2-1 ປະຕູ ອາເມລິກາໄດ້ປະຕູຈາກ ດາຣິໂອ ເບເນເດດໂຕ້ ໃນນາທີ 19, ມາລ໌ຕິນ ຊູນຢິກາ ໃນນາທີ 28 ທາງດ້ານ ມາເຊມເບ້ ໄດ້ປະຕູຈາກ ເຣນຟອລ໌ດ ຄາລາບາ ໃນນາທີ 43