ຫ້ອງການປະສານງານໂຄງການຄຸ້ມຄອງ ແລະ ຫຼຸດຜ່ອນຄວາມສ່ຽງຈາກ ໄພນ້ຳຖ້ວມ ແລະ ແຫ້ງແລ້ງ ໄດ້ຈັດກອງປະຊຸມຄະນະຊີ້ນຳໂຄງການຄຸ້ມຄອງ ແລະ ຫຼຸດຜ່ອນຄວາມສ່ຽງຈາກໄພນ້ຳຖ້ວມ ແລະ ແຫ້ງແລ້ງ ຂັ້ນສູນກາງ ຄັ້ງທີ II ຂຶ້ນວັນທີ 14 ທັນວາ 2015 ນີ້ ຢູ່ທີ່ໂຮງແຮມວຽງຈັນພລາຊາ ໂດຍເປັນປະທານຂອງທ່ານ ດຣ. ອານຸພາບ ຕຸນາລົມ ຮອງເຈົ້າຄອງນະຄອນຫຼວງ ທ່ານ ດຣ. ຄຳພະຈັນ ວົງຊະນະ ຫົວໜ້າປະສານງານໂຄງການ (ຄຖລ) ຂັ້ນສູນກາງ ທ່ານ ໄມກອງ ພອນພົມມະວົງ ຫົວໜ້າກົມຊົນລະປະທານ ຮອງຫົວໜ້າ ບັນດາເຈົ້າເມືອງ ຫົວໜ້າພະແນກ ຫົວໜ້າຂະແໜງການຊົນລະປະທານ ພະນັກງານທີ່ກ່ຽວຂ້ອງເຂົ້າຮ່ວມ.
ໂຄງການຄຸ້ມຄອງ ແລະ ຫຼຸດຜ່ອນຄວາມສ່ຽງຈາກໄພນ້ຳຖ້ວມ ແລະ ແຫ້ງແລ້ງ ເປັນໂຄງການໜຶ່ງພາຍໃຕ້ກອບຮ່ວມມືອະນຸພາກພື້ນແມ່ນນ້ຳຂອງ (GMS) ສ້າງຂຶ້ນເພື່ອສະໜັບສະໜູນລັດຖະບານ ສປປ ລາວ ໃນການວາງມາດຕະການຈັດຕັ້ງປະຕິບັດ ເປັນໂຄງການສ້າງ ແລະ ບໍ່ເປັນໂຄງການສ້າງເພື່ອປ້ອງກັນ ແລະ ຫຼີກລ້ຽງຜົນກະທົບຈາກໄພພິບັດທີ່ກ່ຽວຂ້ອງກັບນ້ຳຖ້ວມ ແລະ ຄວາມແຫ້ງແລ້ງ ທັງນີ້ ເພື່ອເປັນການເພີ່ມຂີດຄວາມສາມາດທາງດ້ານຂໍ້ມູນຂ່າວສານ ຄວາມຮູ້ກ່ຽວກັບການຄຸ້ມຄອງຄວາມສ່ຽງຈາກໄພນ້ຳຖ້ວມ ແລະ ແຫ້ງແລ້ງ ຍົກລະດັບການພັດທະນາໂຄງລ່າງພື້ນຖານໃນການຄຸ້ມຄອງແຫຼ່ງນ້ຳ ການກໍ່ສ້າງຄູປ້ອງກັນນ້ຳຖ້ວມ ປະຕູລະບາຍນ້ຳ ກໍ່ສ້າງລະບົບຊົນລະປະທານ ສ້າງຄວາມເຂັ້ມແຂງໃຫ້ຊຸມຊົນ ໃນການຄຸ້ມຄອງໄພພິບັດທີ່ອາດຈະເກີດຂຶ້ນ ແລະ ປັບຕົວເຂົ້າກັບສະພາບການປ່ຽນແປງຂອງດິນຟ້າອາກາດ ແລະ ການຄຸ້ມຄອງໂຄງການຢ່າງມີປະສິດທິພາບ ໂຄງການດັ່ງກ່າວນີ້ ອາດຈະເກີດຂຶ້ນໃນເນື້ອທີ່ຫຼາຍກວ່າ 20.000 ເຮັກຕາ ແລະ ຫຼຸດຜ່ອນຜົນເສຍຫາຍໃຫ້ແກ່ປະຊາຊົນຫຼາຍກວ່າ 61.500 ຄົນ ໃນເຂດນະຄອນຫຼວງວຽງຈັນຕອນໃຕ້ ພ້ອມກັນນັ້ນ ກໍ່ຈະຂະຫຍາຍເນື້ອທີ່ສະໜອງນ້ຳຊົນລະປະທານຕື່ມອີກ 1.542 ເຮັກຕາ ໃນເຂດນະຄອນຫຼວງວຽງຈັນຕອນໃຕ້ ຄື: ເມືອງໄຊທານີ ເມືອງປາກງື່ມ ແລະ ເມືອງຫາດຊາຍຟອງ.
ແຫລ່ງຂ່າວ:
