ກອງປະຊຸມສຳມະນາການປົກປັກຮັກສາໜັງສືໃບລານ ໃນກຸ່ມປະເທດອາຊຽນ ມີຂຶ້ນໃນວັນທີ 15 ທັນວານີ້ ທີ່ນະຄອນຫຼວງວຽງຈັນ ພາຍໃຕ້ການເປັນປະທານຂອງ ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຊຶ່ງມີຕົວແທນທີ່ກ່ຽວຂ້ອງຈາກ 10 ປະເທດອາຊຽນເຂົ້າ ຮ່ວມ.
ກອງປະຊຸມໄດ້ສົນທະນາ ແລະ ແລກປ່ຽນຄວາມຄິດຄວາມ ເຫັນກັບບັນດາວິທະຍາກອນ ທີ່ມີຄວາມຊ່ຽວຊານ ແລະ ປະ ສົບການກ່ຽວກັບການປົກປັກ ຮັກສາໜັງສື ໃບລານ ແລະ ໜັງສືເກົ່າແກ່ທີ່ຫາຍາກດ້ວຍ ຄວາມເອົາໃຈໃສ່, ພ້ອມທັງ ແລກປ່ຽນບົດຮຽນ, ປະສົບການ ຊຶ່ງກັນ ແລະ ກັນໃນການປົກປັກ ຮັກສາໜັງສືໃບລານ ຊຶ່ງເປັນ ເອກະສານເກົ່າແກ່ຫາຍາກ, ເປັນມໍລະດົກທາງດ້ານວັດທະ ນະທຳໃຫ້ຄົງຢູ່ຕະຫຼອດໄປ ເພື່ອຄົນລຸ້ນສືບທອດຈະໄດ້ ສຶກສາຮຽນຮູ້ເລື່ອງຕ່າງໆຈາກ ໜັງສືຜູກ ໃບລານ ລວມທັງວິທີ ການປົກປັກຮັກສາໃຫ້ເອກະສານ ມີຄວາມຍືນຍົງດ້ວຍກຳມະວິທີຕ່າງໆ ເພື່ອບໍລິການນັກ ຮຽນນັກສຶກສາ ປັນຍາຊົນນັກຄົ້ນຄວ້າທັງຫຼາຍ ໄດ້ເຂົ້າເຖິງ ຂໍ້ມູນຢ່າງສະດວກ ແລະ ວ່ອງໄວຕາມຄວາມຕ້ອງການ, ສິ່ງສຳຄັນອີກຢ່າງໜຶ່ງໃນທ້າຍປີນີ້ (31ທັນວາ 2015) ພວກເຮົາ ຈະໄດ້ເຂົ້າເປັນປະຊາຄົມເສດ ຖະກິດອາຊຽນ (AEC) ຈະໄດ້ແລກປ່ຽນຂໍ້ມູນຂ່າວສານດ້ວຍ ກັນຫຼາຍດ້ານ, ສະນັ້ນໃນຖານະທີ່ ສປປ ລາວ ເປັນເຈົ້າພາບໃນຄັ້ງນີ້ ກໍຈະໄດ້ນຳເອົາບົດຮຽນຈາກ ກອງປະຊຸມຄັ້ງນີ້ ເພື່ອນຳໄປພັດທະນາວຽກງານໃຫ້ ມີຄວາມກ້າວໜ້າຍິ່ງໆຂຶ້ນ.
ແຫ່ລງຂ່າວ
