ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດ ໄດ້ຕ້ອນຮັບທູດ ບັນດາປະເທດຕ່າງໆເຂົ້າຢ້ຽມຄຳນັບ ເມື່ອວັນທີ 14 ທັນວາ ຜ່ານມາຕາມລຳດັບດັ່ງນີ້:
– ເວລາ 9:00 ໂມງ ຕ້ອນ ຮັບການເຂົ້າຢ້ຽມຄຳນັບຂອງ ທ່ານ ຈອດ ເຣ ຈິມເມເນຊ (Jorge Rey Jimmenez) ເອກອັກຄະລັດຖະທູດກູບາຄົນ ໃໝ່ ປະຈຳ ສປປ ລາວ.
– ເວລາ 9:35 ໂມງ ຕ້ອນຮັບການເຂົ້າຢ້ຽມຄຳນັບຂອງ ທ່ານ ໂລດອຍດາມດາ ການບາ ດຣັກ (Lodoidamda GALBADRAKH) ເອກອັກຄະລັດ ຖະທູດ ມົງໂກລີຄົນໃໝ່ປະຈຳ ສປປ ລາວ.
– ເວລາ 10:10 ໂມງ ຕ້ອນຮັບການເຂົ້າຢ້ຽມຄຳນັບຂອງທ່ານ ນາງ ໂກຼດີນ ເລີດູສ (Claudine LEDOUX) ເອກອັກຄະລັດຖະທູດຝຣັ່ງຄົນໃໝ່ປະຈຳ ສປປ ລາວ.
ທ່ານຮອງນາຍົກລັດຖະມົນຕີຕ່າງປະເທດ ທອງລຸນ ສີສຸລິດ ໄດ້ສະແດງຄວາມຕ້ອນຮັບ ແລະ ຕີລາຄາສູງຕໍ່ທ່ານທູດທັງ 3 ທ່ານ ທີ່ໄດ້ຖືກແຕ່ງຕັ້ງໃຫ້ມາ ປະຕິບັດ ໜ້າທີ່ ການທູດປະຈຳ ສປປ ລາວ ຊຶ່ງ ເປັນການເສີມສ້າງສາຍພົວ ພັນມິດຕະພາບ ແລະ ການ ຮ່ວມມືທີ່ດີລະຫວ່າງ ສປປ ລາວ ແລະ ປະເທດດັ່ງກ່າວ ໃຫ້ນັບມື້ ຂະຫຍາຍຕົວຍິ່ງໆ ຂຶ້ນ.
ໃນເວລາ 8:30 ໂມງຂອງ ວັນດຽວກັນນີ້ ທ່ານ ທອງລຸນ ສີສຸລິດ ກໍໄດ້ຕ້ອນຮັບການເຂົ້າ ຢ້ຽມຄຳນັບອຳລາຂອງທ່ານ ດຣ. ຮາຈິ ເອມຣານ ບາຮານ (Haji Emran Bahan) ເອກອັກຄະລາຊະທູດບຣູໄນ ປະຈຳ ສປປ ລາວ ພາຍຫຼັງສຳເລັດໜ້າທີ່ການທູດຢູ່ປະເທດ ເຮົາ.
ແຫ່ລງຂ່າວ
