spot_img
Homeຂ່າວເຫດການໄຊສົມບູນ ສະເຫຼີມສະຫຼອງວັນຊາດ ຄົບຮອບ 40 ປີ

ໄຊສົມບູນ ສະເຫຼີມສະຫຼອງວັນຊາດ ຄົບຮອບ 40 ປີ

Published on

6-1 6-2

ແຂວງໄຊສົມບູນ ຈັດພິທີສະເຫຼີມສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ, ລະນຶກວັນເກີດຂອງ ປະທານ ໄກສອນ ພົມວິຫານ ຄົບຮອບ 95 ປີ, ວັນສ້າງຕັ້ງແຂວງໄຊສົມບູນ ຄົບຮອບ 2 ປີ ແລະ ເປີດປີ
ທ່ອງທ່ຽວໄຊສົມບູນ 2015 ຂຶ້ນ ຢ່າງຍິ່ງໃຫຍ່ໃນວັນທີ 11 ທັນ ວານີ້ ທີ່ສະໜາມກິລາແຂວງ ໂດຍພາຍໃຕ້ການເປັນປະທານ ຂອງທ່ານ ດຣ. ສົມບັດ ເຢຍລີເຮີ ເລຂາພັກ ແຂວງເຈົ້າແຂວງໄຊສົມບູນ, ໃຫ້ກຽດເຂົ້າຮ່ວມຂອງ ທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີວ່າການ ກະຊວງສຶກສາທິການ ແລະ ກິລາ, ມີບັນດາຮອງເຈົ້າແຂວງ, ລັດຖະ ມົນຕີຊ່ວຍວ່າການ, ຫົວໜ້າ ກົມ, ຮອງກົມ, ພະນັກງານປະ ຕິວັດອາວຸໂສບຳນານ, ບັນດາ ອະນຸ ກຳມະການ, ແຂກຖືກ ເຊີນ, ພະນັກງານ, ທະຫານ, ຕຳຫຼວດ, ນັກຮຽນ ແລະ ມວນ ຊົນຊາວແຂວງໄຊສົມບູນເຂົ້າ ຮ່ວມຢ່າງຫຼວງຫຼາຍ.
ໃນພິທີ, ທ່ານ ດຣ. ສົມບັດ ເຢຍລີເຮີ ໄດ້ໃຫ້ກຽດກ່າວປາໄສຕໍ່ພິທີໂຮມຊຸມນຸມ ໂດຍ ໄດ້ຍົກໃຫ້ເຫັນຄວາມໝາຍຄວາມສຳຄັນຂອງການສະຖາປະນາ ສປປ ລາວ, ຜົນງານ, ໄຊຊະນະທີ່ຍາດມາໄດ້ຕະຫຼອດ 40 ປີຜ່ານມາ ພາຍໃຕ້ ລະບອບໃໝ່ ແລະ ພາຍໃຕ້ການນຳພາຂອງພັກ ປປ ລາວ. ຈາກນັ້ນໄດ້ກ່າວເຖິງຊີວິດ ແລະ ການ ເຄື່ອນໄຫວຂອງ ປະທານ ໄກສອນ ພົມວິຫານ ຕະຫຼອດຊີວິດຂອງເພິ່ນແມ່ນ ຕິດພັນກັບການປະຕິວັດ, ເພິ່ນແມ່ນລູກຮັກຫຼານແພງຂອງປະ ຊາຊົນລາວບັນດາເຜົ່າ, ແມ່ນ ຜູ້ຮັກຊາດ, ນັກປະຕິວັດທີ່ຍິ່ງ ໃຫຍ່ຂອງຊາດ, ວິລະບຸລຸດຜູ້ ນຳຂອງພັກ, ລັດ ທີ່ປີຊາສາ ມາດ, ສະຫຼາດສ່ອງໃສ ແລະ ສະດຸ້ງໄວ.
ຕໍ່ຜົນງານການປົກປັກຮັກ ສາ ແລະ ສ້າງສາແຂວງໄຊ ສົມບູນ ໃນໄລຍະສອງປີຜ່ານ ມາ ທ່ານເຈົ້າແຂວງໄດ້ຊີ້ໃຫ້ ເຫັນວ່າ: ແຂວງໄຊສົມບູນ ໄດ້ ຮັບການພັດທະນາ ໃນທຸກດ້ານ ຢ່າງບໍ່ຢຸດຢັ້ງ. ເວົ້າສະເພາະຜ່ານການປະຕິບັດແຜນພັດທະນາເສດຖະກິດ-ສັງຄົມຂອງ ແຂວງ ແລະ ໂດຍໄດ້ຮັບການ ຊີ້ນຳໆພາຢ່າງໃກ້ຊິດຈາກສູນ ກາງ ພັກ, ສະພາແຫ່ງຊາດ, ລັດຖະບານ, ດ້ວຍຄວາມເອົາ ໃຈໃສ່ຂອງຄະນະບໍລິຫານງານ ພັກແຂວງ ແລະ ຄວາມສາມັກ ຄີເປັນປຶກແຜ່ນຂອງປະຊາຊົນ ບັນດາເຜົ່າພາຍ ໃນແຂວງພວກ ຂ້າພະເຈົ້າ ຈຶ່ງສາມາດຍາດໄດ້ ຜົນງານຫຼາຍໆດ້ານ ເປັນຕົ້ນ ແມ່ນເສດຖະກິດມະຫາພາກ ໃນສົກປີ 2014-2015 ລວມ ຍອດຜະລິດຕະພັນພາຍໃນ (GDP) ເພີ່ມຂຶ້ນປະມານ 10,08%, ສ້າງມູນຄ່າເພີ່ມລາ ຄາໃນປີນີ້ໃຫ້ໄດ້ 814,8 ຕື້ກີບ (ແຜນການວາງໄວ້ 806,5 ຕື້ ກີບ), ສະເລ່ຍໃສ່ຫົວຄົນໄດ້ປະ ມານ 9.712.950 ກີບ ຫຼືເທົ່າ ກັບ  1.207 ໂດລາສະຫະລັດ/ ຄົນ/ປີ (ພົນລະເມືອງສະ ເລ່ຍ ພາຍໃນແຂວງປະມານ 83.888 ຄົນ). ໃນຂະແໜງກະ ສິກຳ-ປ່າໄມ້ ເພີ່ມຂຶ້ນ 9,39% ກວມເອົາ 33,60% ຂອງ GDP, ຂະແໜງອຸດສາຫະກຳ ເພີ່ມຂຶ້ນ 10,50% ກວມ 40,80% ຂອງ GDP ແລະ ຂະ ແໜງບໍລິການເພີ່ມຂຶ້ນ 10,31% ກວມ ເອົາ 25,60% ຂອງ GDP. ການເກັບລາຍຮັບເຂົ້າ ງົບປະມານໄດ້ 98,23 ຕື້ກີບ, ເທົ່າກັບ 65,94% ຂອງແຜນການ (ແຜນການ 148,98 ຕື້ ກີບ), ຄຸ້ມຄອງການ ປະຕິບັດ ລາຍຈ່າຍງົບປະມານໄດ້ 126,18 ຕື້ກີບ ເທົ່າກັບ 78,30% ຂອງແຜນການ(ແຜນການ 141,19 ຕື້ກີບ) ແລະ ໄດ້ຮັບ ການດຸ່ນດ່ຽງຈາກສູນກາງ 27,94 ຕື້ກີບ. ການຈໍລະຈອນສິນຄ້າມີມູນຄ່າ 74,31 ຕື້ກີບ ທຽບໃສ່ປີຜ່ານມາເພີ່ມຂຶ້ນ 15%, ມູນຄ່າຜະລິດຕະພັນ ອຸດສາຫະກຳທັງໝົດບັນລຸ ໄດ້ 140,14%, ການສົ່ງອອກ ສິນຄ້າ ມູນຄ່າ 2.409.888 ໂດລາສະຫະລັດ ແລະ ນຳເຂົ້າ ສິນຄ້າຈາກຕ່າງປະເທດມູນ ຄ່າ 10.592.700 ໂດລາສະຫະລັດ, ການປ່ອຍສິນເຊື່ອ ຂອງບັນດາທະນາຄານໄດ້ 46,41 ຕື້ກີບ ແລະ ລະດົມເງິນ ຝາກໄດ້ 86,09 ຕື້ກີບ. ພ້ອມ ດຽວກັນນີ້ໃນວຽກງານຊົນນະ ບົດ ແລະ ລຶບລ້າງຄວາມທຸກຍາກ ຕິດພັນກັບວຽກງານ 3 ສ້າງ ທົ່ວແຂວງ ມີບ້ານທຸກຍາກ 26 ບ້ານ ເທົ່າ ກັບ 27,08%, ຄອບຄົວທຸກຍາກ 1.809 ຄອບ ຄົວ ເທົ່າກັບ 13,85%, ມີບ້ານ ພັດທະນາ 16 ບ້ານ (ຢູ່ໃນຂັ້ນ ຕອນຮັບຮອງ 7 ບ້ານ) ເທົ່າກັບ 16,67% ແລະ ຄອບຄົວພັດ ທະນາ 8,716 ຄອບຄົວ.

ແຫ່ລງຂ່າວ

ປຊຊ

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...