ທັບນັກເຕະສະໂມສອນ ບາເຊໂລນາ ໃນຖານະແຊມປ໌ຢູຟ່າ ແຊມປ້ຽນສ໌ ລີກ ເດີນທາງເຖິງປະເທດຍີ່ປຸ່ນແລ້ວ ເພື່ອກຽມລົງແຂ່ງຂັນ ຊິງແຊມປ໌ສະໂມສອນໂລກ ໂດຍ ແຟນບານຊາວຍີ່ປຸ່ນຂອງ ສະໂມສອນບາເຊໂລນາກວ່າ 200 ຄົນໄດ້ມາລໍຖ້າຕ້ອນຮັບເຫຼົ່າແຄ່ງຊຸບເປີສະຕາລ໌ ໂດຍບາຊາລຸ້ນຄວ້າແຊມປ໌ສະໂມສອນໂລກເປັນສະໄໝທີ່ 3 ຕໍ່ຈາກປີ 2009 ແລະ 2011 ໂດຍ ບາເຊໂລນາ ທີ່ມີ ລິໂອເນວ ເມສຊີ່, ເນຍ໌ມາລ໌, ຫລຸຍສ໌ ຊົວເລຊ໌ 3 ປະສານແນວບຸກ ຈະລົງເຕະນັດທຳອິດ ໃນຮອບຮອງຊະນະເລີດ ພົບກັບສະໂມສອນ ກວ່າງໂຈວ ເອເວີລ໌ແກຣນດ໌ ແຊມປ໌ອາຊີ ໃນວັນພະຫັດວັນທີ 17 ທັນວາ 2015 ນີ້ ໂດຍກວ່າງໂຈວ ນັ້ນມີ ຫລຸຍສ໌ ເຟລິເປ້ ສະໂຄລາລີ່ ເປັນຄູເຝິກ ເຊີ່ງເນຍ໌ມາລ໌ເຄີຍເປັນລູກທີມລາວຕອນທີ່ຄຸມທີມຊາດເບຼຊິລ ໃນບານໂລກ 2014 ທີ່ເບຼຊິລ ເປັນເຈົ້າພາບ