ທ່ານ ທອງສິງ ທຳມະວົງ ນາຍົກລັດຖະມົນຕີ ໄດ້ຕ້ອນຮັບທ່ານ ນາງ ຄຼູດິນລີດຸກ (Caudine LEDUX) ເອກອັກຄະລັດຖະທູດວິສາມັນຜູ້ມີ ອຳນາດເຕັມ ແຫ່ງປະເທດຝຣັ່ງ ແລະ ທ່ານ ໂລດອຍດາມບາ ຈາບາລັກ (Lodoidamba GALBADRAKH) ເອກ ອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ປະເທດມົງໂກລີ
ເຂົ້າຢ້ຽມຄຳນັບ ໃນວັນທີ 10 ທັນວານີ້ ທີ່ຫ້ອງວ່າການລັດຖະບານ ໃນໂອກາດທີ່ທ່ານທູດ ທັງສອງໄດ້ມາດຳລົງຕຳແໜ່ງ ເປັນເອກອັກຄະລັດຖະທູດຄົນໃໝ່ ປະຈຳລາວ.
ທ່ານນາຍົກລັດຖະມົນຕີ ໄດ້ສະແດງຄວາມຕ້ອນຮັບ ແລະ ຕີລາຄາສູງຕໍ່ທ່ານທູດທັງ ສອງ ທີ່ໄດ້ຖືກແຕ່ງຕັ້ງໃຫ້ມາ ດຳລົງຕຳແໜ່ງເປັນເອກອັກ ຄະລັດຖະທູດ ຄົນໃໝ່ ປະຈຳ ລາວ ຊຶ່ງຈະເປັນການສືບຕໍ່ເສີມສ້າງສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງ ລາວ-ຝຣັ່ງ ແລະ ລາວ-ມົງໂກລີ ໃຫ້ນັບມື້ ຂະຫຍາຍຕົວຍິ່ງໆຂຶ້ນ.
ທ່ານນາຍົກລັດຖະມົນຕີ ໄດ້ອວຍພອນໃຫ້ທ່ານທູດທັງສອງ ຈົ່ງປະສົບຜົນສຳເລັດໃນ ການປະຕິບັດໜ້າທີ່ຢູ່ ສປປ ລາວ ໃນໂອກາດດຽວກັນທ່ານ ທູດທັງສອງ ໄດ້ສະແດງຄວາມ ຂອບໃຈເປັນຢ່າງຍິ່ງຕໍ່ການ ຕ້ອນຮັບອັນອົບອຸ່ນຂອງທ່ານ ນາຍົກໃນຄັ້ງນີ້.
ແຫ່ລງຂ່າວ
