spot_img
Homeຂ່າວເຫດການອີຢູ ສະເຫລີມສະຫລອງວັນສິດທິມະນຸດ ຄົບຮອບ 50 ປີ

ອີຢູ ສະເຫລີມສະຫລອງວັນສິດທິມະນຸດ ຄົບຮອບ 50 ປີ

Published on

12347620_535999789910916_7729540675002069059_n

ການສະ​ເຫລີ​ມສະຫລອງ​ວັນ​ສິດທິ​ມະນຸດ ຄົບຮອບ 50 ປີ, ​ໄດ້​ຈັດ​ຂຶ້ນ​ທີ່ສຳນັກງານ​ສະຫະພາບ​ເອີ​ຣົບ ປະຈຳ​ລາວ ໃນຄືນ​ວັນ​ທີ 10 ທັນວາ​ຜ່ານ​ມາ, ​ຊຶ່ງ​ເປັນ​ວັນ​ໜຶ່ງທີ່ສະ​ແດງ​ໃຫ້​ເຫັນ​ເຖິງ​ຄວາມ​ມຸ້ງ​ໝັ້ນຂອງ​ສາກົນ ເຮັດ​ໃຫ້​ທຸກ​ຄົນ​ໃນ​ໂລກ​ນີ້ມີ​ສິດເສລີພາບ​​ເທົ່າ​ທຽມກັນ, ​ພາຍ​ໃນ​ງານ​ມີ​ທ່ານ ມີ​​ແຊ​ນ ​ໂກ​​ແຟງ ອຸປະ​ທູດ​ສະຫະ​ພາບ​ເອີຣົບ ປະຈຳ​ລາວ, ມີບັນດາ​ທູຕາ​ນຸທູດ ຈາກ​ສະຖານທູດ​ຕ່າງໆ ​ແລະ ພາກສ່ວນ​ກ່ຽວຂ້ອງ​​ເຂົ້າ​ຮ່ວມ.

ທ່ານອຸປະ​ທູດ​ສະຫະພາບ​ເອີຣົບ ປະຈຳ​ລາວ​ ກ່າວ​ວ່າ: ການສະ​ເຫລີ​ມສະຫລອງ​ຄັ້ງ​ນີ້ ພວກ​ເຮົາ​ໄດ້​ສະ​ຫລອງ​ໃຫ້​ແກ່​ສອງ​ສົນທິສັນຍາ​ຄື: ສົນທິສັນຍາ​ວ່າ​ດ້ວຍ​ສິດທິ​ທາງ​ດ້ານ​​ເສດຖະກິດ,ສັງຄົມ ​ແລະ

ວັດທະນະທຳ (ICESCR) ​ແລະ ສົນທິສັນຍາ​ສາກົນ​ວ່າ​ດ້ວຍ​ສິດທິ​ພົນລະ​ເຮືອນ ​ແລະ ສິດທິ​ທາງ​ດ້ານ​ການ​ເມືອງ(ICCPR), ທັງ​ສອງ​ສົນທິສັນຍາ​ນີ້ ​ໄດ້​ວາງ​ຢູ່​ບົນ​ພື້ນຖານ​ຂອງ​ທຸກ​ຄົນ ນັບ​​ແຕ່​ມື້​ເກີດ​ຈົນ​ເຖິງ​ບັ້ນ​ປາຍ​ຊີວິດ, ​ໃນ​ນີ້ສປປ ລາວ ​ໄດ້​ເຊັນ​ສັນຍາ​ເຂົ້າ​ເປັນ​ພາຄີ​ໃນ​ປີ 2000 ກ່ອນ​ທີ່​ຈະ​ໃຫ້​ສັດຕະຍາບັນ​ ສົນທິ​ສັນຍາ​ວ່າ​ດ້ວຍ​ສິດທິ​ທາງ​ດ້ານ​ເສດຖະກິດ-ສັງຄົມ ​ແລະ ວັດທະນະທຳ ໃນ​ປີ 2007 ​ແລະ ສົນທິ​ສັນຍາ ວ່າດ້ວຍພົນລະເຮືອນ ແລະ ການເມືອງ ປີ2009. ຕໍ່ກັບວຽກງານດັ່ງກ່າວ ສປປ ລາວ ກໍໄດ້ນຳເອົາສົນທິສັນຍາດັ່ງກ່າວ ເປັນແກນຫລັກ ໃນການຮັບຮອງເອົາກົດໝາຍຫລາຍ ສະບັບເຊັ່ນ: ຄະນະກຳມະການຊີ້ນຳລະດັບຊາດດ້ານສິດທິມະນຸດ ໃນປີ 2012 ເຊິ່ງໄດ້ ໂຄງສ້າງດ້ານນິຕິກຳ ແລະ ສະຖາບັນອັນຈຳເປັນໃຫ້ແກ່ການອອກແບບ, ຈັດຕັ້ງປະຕິບັດ ແລະ ຕິດຕາມນະໂຍບາຍທີ່ຖືກຕ້ອງດ້ານສິດທິມະນຸດ ໃຫ້ໄດ້ຮັບໝາກຜົນດີຂຶ້ນ.

ໃນເດືອນຜ່ານມາ, ສປປ ລາວ ແລະ ສະຫະພາບເອີຣົບ ໄດ້ຈັດກອງປະຊຸມປຶກສາ ຫາລືດ້ານສິດທິມະນຸດ ສອງຝ່າຍຄັ້ງທີ 6 ຂຶ້ນໃນນະຄອນຫລວງວຽງຈັນ, ເຊິ່ງໄດ້ສຸມໃສ່ ການຈັດຕັ້ງປະຕິບັດພັນທະ ແລະ ສັນຍາສາກົນຂອງ ສປປລາວ ໃຫ້ມີປະສິດທິຜົນ, ພ້ອມ ນີ້ ອີຢູ ຍັງໄດ້ເນັ້ນຢ້ຳເຖິງຄວາມກ່ຽວຂ້ອງຂອງວຽກງານສິດທິມະນຸດທີ່ມີຕໍ່ສະຖຽນລະພາບ ແລະ ຄວາມສຳຄັນຂອງການເຊື່ອມໂຍງວຽກສິດທິມະນຸດ ເຂົ້າໃນບັນດານິຕິກຳ ແລະ ນະໂຍບາຍຕ່າງໆຂອງລາວ.

ແຫ່ລງຂ່າວ

ລພນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...