ງານ Festival ປ່າ ຈະໄດ້ຮັບການຈັດຕັ້ງເປັນຄັ້ງທຳອິດຢູ່ເຂດນິເວດ
ທຳມະຊາດ ແຂວງ ດົ່ງນາຍ ໃນທ້າຍເດືອນ ພະຈິກ 2014 ນີ້ ແລະ
ເປັນຄັ້ງທຳອິດທີ່ Festival ປ່າຈະຮັບການຈັດຕັ້ງຢູ່ ຫວຽດນາມ.
ທ່ານ ເຈີ່ນກວາງຕ້ວາຍ ຮອງຫົວໜ້າພະແນກວັດທະນະທຳ ກິລາ ແລະ
ທ່ອງທ່ຽວ ແຂວງ ດົ່ງນາຍ ໃຫ້ຮູ້ວ່າ ງານ Festival ປ່າ ຈະໄດ້ຮັບ
ການຈັດຕັ້ງໃນ 3 ວັນພາຍໃຕ້ຫົວຂໍ້ “ປ່າ-ຊັບພະຍາກອນທຳມະຊາດ
ທີ່ສັກກາລະບູຊາ” ດ້ວຍການເຂົ້າຮ່ວມຂອງປະມານ 2.000 ຄົນ ໃນ
ງານ Festival ຈະມີການເຄື່ອນໄຫວວັດທະນະທຳ ກິລາ ອາຫານ
ການກິນຕ່າງໆ.
ຈຸດປະສົງຂອງການຈັດງານນີ້ແມ່ນເພື່ອໂຄສະນາ ເຜີຍແຜ່ຊັບພະຍາກອນ
ປ່າຂອງ ຫວຽດນາມ ເວົ້າຮວມ ແລະ ແຂວງ ດົ່ງນາຍ ເວົ້າສະເພາະ
ເຊີດຊູບັນດາແຫລ່ງຜົນປະໂຫຍດມູນຄ່າທາງເສດຖະກິດ ຄຸນຄ່າຊຶ່ງປ່າ
ນຳມາໃຫ້ແກ່ມະນຸດ ຮຽກຮ້ອງໃຫ້ທຸກຄົນຮ່ວມແຮງຮ່ວມໃຈປົກປັກຮັກສາ
ປ່າ ປົກປັກຮັກສາຊີວະນາໆພັນ ຜ່ານການຈັດ Festival ໃນຄັ້ງນີ້
ແຂວງ ດົ່ງນາຍ ຈະສ້າງບັນດາຜະລິດຕະພັນການທ່ອງທ່ຽວຕິດພັນ
ກັບປ່າ ເພື່ອດຶງດູດແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ.
ພາບປະກອບ: ສວນຫີນໃນເຂດປ່າສະຫງວນ ແຂວງດົງນາຍ(Photo: dongnai)ທີ່ມາ http://www.vtetoday.la