ສຳນັກຂ່າວຕ່າງປະເທດ ລາຍງານໃນວັນທີ 7 ທັນວາຜ່ານມານີ້ວ່າ ທ່ານ ນາງ ສີຢຽນຮວາ ຮອງເລຂາທິການ ສະມາຄົມຜູ່ປະກອບການລົດຍົນ ແຫ່ງ ປະເທດຈີນ (China Association of Automobile Manufacturers) ໄດ້ອອກມາກ່າວວ່າ ຈີນຈະກາຍເປັນຕະຫລາດ ລົດຍົນພະລັງງານໄຟຟ້າ ຂະໜາດໃຫຍ່ທີ່ສຸດໃນໂລກ ພາຍໃນປີ 2015 ນີ້ ເນື່ອງຈາກຍອດຈຳໜ່າຍລວມ ຈະຢູ່ທີ່ປະມານ 220,000-250,000 ຄັນ ພາຍໃນຂອບເຂດທົ່ວປະເທດ.

ທ່ານ ນາງ ສີ ຍັງໄດ້ກ່າວຕໍ່ອີກວ່າ ຈາກການປະເມີນຍອດຈຳໜ່າຍ ລົດຍົນພະລັງງານໄຟຟ້າ ໃນທົ່ວໂລກ ພົບວ່າມີການເພີ່ມຂຶ້ນ 600,000 ຄັນຕໍ່ປີ ຊຶ່ງໃນປີນີ້ ຈີນມີທ່າອ່ຽງຈະແຊງໜ້າ ສະຫະລັດອາເມຣິກາ ທີ່ມີຍອດຈຳໜ່າຍປະມານ 180,000 ຄັນ ແລະ ຄອງອັນດັບ ຕະຫລາດລົດຍົນພະລັງງານໄຟຟ້າ ທີ່ໃຫຍ່ທີ່ສຸດໃນໂລກ ໃນປັດຈຸບັນ.