spot_img
Homeຂ່າວການພັດທະນາກອງປະຊຸມເຈົ້າໜ້າທ່ີອາວຸໂສຂອບການຮ່ວມມືເຂດສາມຫລ່ຽມພັດທະນາ ຄັ້ງທີ 10

ກອງປະຊຸມເຈົ້າໜ້າທ່ີອາວຸໂສຂອບການຮ່ວມມືເຂດສາມຫລ່ຽມພັດທະນາ ຄັ້ງທີ 10

Published on

CLV 10 clv 1

ຂປລ. ກອງປະຊຸມເຈົ້າໜ້າທີ່ອາວຸໂສ ຂອບການຮ່ວມມືເຂດສາມຫລ່ຽມພັດທະນາຄັ້ງທີ 10 ເຊິ່ງ ສປປ ລາວ ເປັນເຈົ້າພາບ ໄດ້ຈັດຂຶ້ນ ໃນວັນທີ 10 ທັນວາ 2015 ຢູ່ແຂວງຈຳປາສັກ ພາຍໃຕ້ການ ເປັນປະທານຮ່ວມຂອງທ່ານ ສະເຫລີມໄຊ ກົມມະສິດ, ລັດຖະມົນຕີຊ່ວຍວ່າການ ກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສຝ່າຍລາວ, ທ່ານ ມາວໂທຣາ ລັດຖະມົນຕີຊ່ວຍວ່າການ ກະຊວງການຄ້າ ແຫ່ງ ຣາຊະອານາຈັກ ກຳປູເຈຍ, ທ່ານ ເຈິ່ນເຍິດແທ່ງ ຫົວໜ້າກົມເສດຖະກິດສາກົນ ກະຊວງແຜນການ ແລະ ການລົງທຶນ ແຫ່ງ ສສ ຫວຽດນາມ.

ກອງປະຊຸມໄດ້ພ້ອມກັນທົບທວນຄືນ ການຈັດຕັ້ງຜັນຂະຫຍາຍຜົນຂອງກອງປະຊຸມສຸດຍອດ ເຂດສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 8 ໃນເດືອນພະຈິກ 2014 ທີ່ນະຄອນຫລວງວຽງຈັນ ​ແລະ ໄດ້ປຶກສາຫາລື ກ່ຽວກັບທິດທາງ ການຮ່ວມມືໃນຕໍ່ໜ້າ ເພື່ອນຳສະເໜີຕໍ່ກອງປະຊຸມ ຄະນະກຳມະການປະສານງານຮ່ວມເຂດສາມຫລ່ຽມພັດທະນາ ຄັ້ງທີ 10 ມີທິດຊີ້ນຳຕໍ່ການຈັດ ຕັ້ງປະຕິບັດວຽກງານຕ່າງໆ ແນໃສ່ສົ່ງເສີມການພັດ ທະນາເຂດສາມຫລ່ຽມພັດທະນາ ໃຫ້ມີຄວາມເຂັ້ມແຂງ ຮອບດ້ານ ແລະ ຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນ ​ແລະ ໄດ້ຮັບຟັງລາຍງານຜົນກອງປະຊຸມ 4 ຄະນະອະນຸກຳມະການ ຄື: ອະນຸກຳມະການລະດັບແຂວງ, ອະນຸກຳມະການດ້ານຄວາມໝັ້ນຄົງ ແລະ ວຽກງານການຕ່າງປະເທດ, ອະນຸກຳມະການ ດ້ານສັງຄົມ ແລະ ສິ່ງແວດລ້ອມ, ອະນຸກຳມະການດ້ານເສດຖະກິດ ແລະ ສະແດງຄວາມຍິນດີ ຕໍ່ຜົນສຳເລັດຂອງກອງປະຊຸມ, ເວທີສົ່ງເສີມການຄ້າ, ການລົງທຶນ ແລະ ທ່ອງທ່ຽວ, ກອງປະຊຸມພົບປະຊາວໜຸ່ມຂອງສາມປະເທດ. ກອງປະຊຸມໄດ້ຕີລາຄາສູງ ຕໍ່ຄວາມຄືບໜ້າ ແລະ ຜົນສຳເລັດຂອບການຮ່ວມມືເຂດສາມຫລ່ຽມພັດທະນາ ເຊິ່ງໄດ້ມີການແລກປ່ຽນການຢ້ຽມຢາມຂອງການນຳຂັ້ນສູງ ຈົນຮອດຂັ້ນຮາກຖານ, ປະຊາຊົນບັນດາເຜົ່າ ຂອງສາມປະເທດມີຄວາມສາມັກຄີ ແລະ ໄປມາຫາສຸ່ກັນຢ່າງເປັນປົກກະຕິ, ເຮັດໃຫ້ເຂດຊາຍແດນສາມ ປະເທດມີສະຖຽນລະພາບ ແລະ ມີຄວາມສະຫງົບສຸກ, ພ້ອມກັນປົກປັກຮັກສາສິ່ງແວດລ້ອມ ແລະ ການຮ່ວມມື ລະຫວ່າງ ບັນດາແຂວງ ໃນເຂດສາມຫລ່ຽມພັດທະນານັບມື້ແໜ້ນແຟ້ນຍິ່ງຂຶ້ນ.

ທີ່ພົ້ນເດັ່ນແມ່ນການປະຕິບັດ ບັນດາໂຄງການ ແລະ ກິດຈະກຳຕ່າງໆ ທີ່ໄດ້ຮັບການຊ່ວຍເຫລືອຈາກລັດຖະບານຍີ່ປຸ່ນ ແລະ ສະຖາບັນການເງິນສາກົນ, ລວມທັງການປະກອບສ່ວນ ຂອງລັດຖະບານ ແລະ ເອກະຊົນຂອງສາມປະເທດ ເຂົ້າໃນການປັບປຸງ ແລະ ກໍ່ສ້າງພື້ນຖານໂຄງລ່າງດ້ານເສດຖະກິດ, ການສຶກສາ, ສາທາລະນະສຸກ ແລະ ອື່ນໆ. ກອງປະຊຸມຍັງເຫັນໄດ້ເຖິງຂໍ້ຄົງຄ້າງ ແລະ ສິ່ງທ້າທາຍ ໂດຍສະເພາະຂະແໜງການ ທີ່ກ່ຽວຂ້ອງຈະຕ້ອງໄດ້ສືບຕໍ່ເອົາໃຈໃສ່ ແລະ ແກ້ໄຂຮ່ວມກັນເປັນຕົ້ນ: ການລະດົມທຶນເຂົ້າ ໃນການຈັດຕັ້ງບັນດາໂຄງການບູລິມະສິດ, ການຈັດລຽງ ແລະ ສ້າງແຜນລະອຽດ ຂອງໂຄງການບູລິມະສິດ, ສືບຕໍ່ກໍ່ສ້າງພື້ນຖານໂຄງລ່າງ ແລະ ການຍົກລະດັບຄວາມອາດສາມາດ ໃຫ້ແກ່ພະນັກງານ ແລະ ສ້າງແຮງງານທີ່ມີສີມື ແລະ ຄຸນນະພາບໃຫ້ພຽງພໍຕໍ່ ຄວາມຮຽກຮ້ອງຕ້ອງການ ຂອງການພັດທະນາ ເສດຖະກິດ-ສັງຄົມ ໃນປະຈຸບັນ ແລະ ກ້າວເຂົ້າສູ່​ປະຊາຄົມເສດຖະກິດອາຊຽນ ໃນທ້າຍປີ 2015 ນີ້.

ແຫ່ລງຂ່າວ

ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...