spot_img
Homeຂ່າວຕ່າງປະເທດຈຸດຮ້ອນໃໝ່! ອີຣັກຍື່ນຄຳຂາດ ໃຫ້ທະຫານຕວກກີ ອອກຈາກປະເທດ ພາຍໃນ 48 ຊົ່ວໂມງ ແຕ່ຕວກກີປະຕິເສດ!

ຈຸດຮ້ອນໃໝ່! ອີຣັກຍື່ນຄຳຂາດ ໃຫ້ທະຫານຕວກກີ ອອກຈາກປະເທດ ພາຍໃນ 48 ຊົ່ວໂມງ ແຕ່ຕວກກີປະຕິເສດ!

Published on

558000013982701

ສຳນັກຂ່າວຕ່າງປະເທດ ລາຍງານໃນວັນທີ 8 ທັນວານີ້ວ່າ ລັດຖະບານຕວກກີ ຢືນຢັນຈະບໍ່ຖອນທະຫານ ທີ່ກຳລັງປະຈຳການຢູ່ ພື້ນທີ່ບາຊິກາ ໃກ້ກັບເມືອງໂມຊຸນ ຊຶ່ງເປັນສູນກາງຫລັກຂອງ ກຸ່ມລັດອິດສະລາມ ຫລື ໄອເອັສ ໃນປະເທດອີຣັກ ໂດຍລະບຸວ່າ ເປັນການສັບປ່ຽນກຳລັງໄປປະຈຳການ ຢ່າງເປັນປົກກະຕິ ໃນໂຄງການເຝິກອົບຮົມ ໃຫ້ແກ່ກຳລັງພົນອີຣັກ ເພື່ອບຸກຕີຍຶດຄືນເມືອງໂມຊຸນ ຈາກກຸ່ມໄອເອັສ.

ແນວໃດກໍຕາມ ລັດຖະບານອີຣັກ ໄດ້ຍື່ນຄຳຂາດໃນວັນອາທິດທີ 6 ທັນວາ 2015 ຜ່ານມາ ໃຫ້ກອງກຳລັງທະຫານຕວກກີ ຖອນອອກໄປພາຍໃນ 48 ຊົ່ວໂມງ ໂດຍບອກວ່າ ທະຫານເຫລົ່ານັ້ນ ເຂົ້າມາໃນປະເທດຂອງຕົນຢ່າງຜິດກົດໝາຍ ແລະ ຂູ່ວ່າຈະຍື່ນໜັງສືປະທ້ວງ ເຖິງຄະນະມົນຕີຄວາມໝັ້ນຄົງ ແຫ່ງ ສະຫະປະຊາຊາດ.

ຈາກສະຖານະການດັ່ງກ່າວນີ້ ໄດ້ກາຍເປັນຄວາມກັງວົນຂອງທົ່ວໂລກ ເນື່ອງຈາກເປັນຈຸດຮ້ອນອີກແຫ່ງໃໝ່ ຊຶ່ງສ່ຽງຕໍ່ກັບການປະເຊີນໜ້າກັນ ຈົນກາຍເປັນຕົ້ນເຫດ ຂອງສົງຄາມໂລກຄັ້ງໃໝ່ ຖ້າຫາກທັງສອງຝ່າຍ ຕັດສິນໃຈໃຊ້ກຳລັງທະຫານ ເພື່ອແກ້ໄຂບັນຫາ ຄຽງຄູ່ກັບຂໍ້ຂັດແຍ່ງ ລະຫວ່າງຣັດເຊຍ ແລະ ຕວກກີ ທີ່ເປັນຈຸດຮ້ອນ ສ້າງຄວາມວິຕົກກັງວົນ ໃນໄລຍະຫລາຍອາທິດຜ່ານມາ.

ທັງນີ້ ກອງທະຫານຂອງຕວກກີ ທີ່ປະຈຳການໃນເຂດດັ່ງກ່າວ ແມ່ນປະກອບດ້ວຍທະຫານ ປະມານ 150-300 ຄົນ ພ້ອມດ້ວຍລົດຕັງ 20 ຄັນ ໂດຍໄດ້ເຂົ້າມາປະຈຳການ ເປັນເທື່ອທຳອິດ ເມື່ອເກືອບ 2 ປີຜ່ານມາ ສຳລັບໂຄງການຮ່ວມມື ລະຫວ່າງລັດຖະບານຕວກກີ ແລະ ອີຣັກ ໃນການເຝິກອົບຮົມ ໃຫ້ແກ່ກອງກຳລັງຊາວເຄີດ ແລະ ກຸ່ມຕິດອາວຸດມຸດສະລິມ ນິກາຍສຸໜີ່ ໃນປະເທດອີຣັກ ເພື່ອບຸກໂຈມຕີຍຶດເມືອງໂມຊຸນຄືນ ຈາກກຸ່ມລັດອິດສະລາມ.

 

 

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...