ຂປລ. ພິທີໂຮມຊຸມນຸມໃຫຍ່ ສະເຫລີມສະຫລອງ ວັນສະຖາປະນາ ສປປ ລາວ ຄົບຮອບ 40 ປີ ໄດ້ຈັດຂຶ້ນ ທີ່ສະໜາມກິລາແຂວງຊຽງຂວາງ ໃນຕອນເຊົ້າວັນທີ 4 ທັນວາ 2015 ໂດຍການເປັນປະທານ ຂອງສະຫາຍ ສຈ ດຣ. ສົມກົດ ມັງໜໍ່ເມກ ເລຂາພັກແຂວງ, ເຈົ້າແຂວງຊຽງຂວາງ, ມີສະຫາຍ ຈັນສີ ໂພສີຄຳ ເລຂາທິການ ສູນກາງພັກ, ຫົວໜ້າຄະນະຈັດຕັ້ງສູນກາງພັກ, ບັນດາສະມາຊິກພັກ, ພະນັກງານບຳນາມ, ທະຫານ, ຕຳຫລວດ, ນັກທຸລະກິດ, ພໍ່ຄ້າຊາວຂາຍ ແລະ ປະຊາຊົນບັນດາເຜົ່າ ທົ່ວແຂວງຊຽງຂວາງເຂົ້າຮ່ວມ.
ໃນພິທີ ສະຫາຍ ສຈ ດຣ ສົມກົດ ມັງໜໍ່ເມກ ໄດ້ຂຶ້ນກ່າວບົດປາໄສ ໂດຍໄດ້ຍົກໃຫ້ເຫັນຜົນງານ ຕະຫລອດໄລຍະ 40 ປີ. ຈາກນັ້ນ ກໍມີການເດີນສວນສະໝາມ ຂອງ 32 ກ້ອນກຳລັງ ຄື: ຈຸທຸງໄຊ, ກ້ອນກຳລັງນາຍທະຫານ, ຕີພິເສດ, ລົດຕັງ, ສື່ສານ, ເພດຍິງທະຫານແຂວງ, ທະຫານອາກາດຈໍ 702, ທະຫານປ້ອງກັນອາກາດຈໍ 643, ທະຫານເພດບໍລິເວນ101, ກອງຫລອນ, ຕຳຫລວດຊາຍ, ຕຳຫລວດຍິງ. ເຍົາວະຊົນ, ໂຮງຮຽນວິຊາຊີບ, ທຸງໄຊຊາວໜຸ່ມ, ທຸງຊາດຊາວໜຸ່ມ, ທຸງປິວຊາວໜຸ່ມ, ກ້ອນກຳລັງຄູ-ອາຈານ, ນັກສືກສາ, ນັກຮຽນມໍປາຍ, ກ້ອນກຳລັງພະແນກການຕ່າງໆອ້ອມຂ້າງແຂວງ, ກ້ອນກຳລັງປະຊາຊົນບັນດາເຜົ່າແຕ່ລະເມືອງ ແລະ ກ້ອນກຳລັງ ແກວົງຈໍ 279. ຊົມການສະແດງສິລະປະ ແລະ ຕອນຄໍ່າກໍມີການຍິງບັ້ງໄຟດອກ.
ແຫລ່ງຂ່າວ:
