ໃນວັນທີ 24 ທັນວາ 2013 ນີ້, ພະນະທ່ານມາຮິນດາ ຣາຈາປັກຊາ ປະທານາທິບໍດີແຫ່ງສາທາລະນະລັດ ປະຊາທິ ປະໄຕ ສັງຄົມນິຍົມສີລັງກາ ໄດ້ສົ່ງສານອວຍພອນມາຍັງພະ ນະທ່ານຈູມມາລີ ໄຊຍະສອນ ປະທານປະເທດແຫ່ງ ສປປ ລາວ ເຊິ່ງມີເນື້ອໃນວ່າ:
ພະນະທ່ານ, ຂ້າພະເຈົ້າຂໍສະແດງຄວາມຊົມເຊີຍອັນອົບ ອຸ່ນ ແລະ ສົ່ງພອນໄຊອັນປະເສີດມາຍັງພະນະທ່ານ, ລັດຖະ ບານ ແລະ ປະຊາຊົນແຫ່ງ ສປປ ລາວ ໃນໂອກາດຄົບຮອບ 38 ປີ ແຫ່ງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ.
ສີລັງກາ ແລະ ສປປ ລາວ ມີຄວາມຍິນດີຕໍ່ສາຍພົວພັນມິດ ຕະພາບອັນອົບອຸ່ນຂອງສອງຝ່າຍຕະຫຼອດໄລຍະຫຼາຍໆປີທີ່ຜ່ານມາ,ຂ້າພະເຈົ້າເຊື່ອຫມັ້ນວ່າສາຍພົວພັນອັນຍືນຍາວ ດັ່ງກ່າວຂອງສອງປະເທດພວກເຮົາຈະສືບຕໍ່ມີຄວາມເຂັ້ມ ແຂງ ແລະ ເພີ່ມທະວີຂຶ້ນເລື້ອຍໆເພື່ອຜົນປະໂຫຍດຂອງປະ ຊາຊົນ ສອງຊາດພວກເຮົາໃນຊຸມປີຕໍ່ຫນ້າ.
ຂໍອວຍພອນໃຫ້ພະນະທ່ານ ຈົ່ງມີສຸຂະພາບແຂງແຮງ ແລະ ມີຄວາມຜາສຸກດ້ວຍ ຄວາມເຄົາລົບ ແລະ ນັບຖື ຢ່າງສູງ.
ໂອກາດດຽວກັນນີ້ພະນະ ທ່ານ ລີມັນຊູ ປະທານາທິບໍດີ ແຫ່ງສາທາລະນະລັດ ອາຫຼັບ ອີຢິບ, ພະນະທ່ານດຣ.ອັບ ດູນຫາມິດ ປະທານາທິບໍດີ ແຫ່ງສາທາລະນະລັດ ປະຊາ ຊົນບັງກະລາເດດສ, ພະນະ ທ່ານ ດຣ.ລາມບາແລນຢາ ດາບ ປະທານປະເທດແຫ່ງ ເນປານ, ມູຫາເມດ 6 ມະຫາ ກະສັດແຫ່ງຣົກໂກ ຕ່າງກໍ່ໄດ້ ສົ່ງສານອວຍພອນເຖິງພະນະ ທ່ານຈູມມາລີ ໄຊຍະສອນ ປະທານປະເທດແຫ່ງ ສປປ ລາວເຊັ່ນດຽວກັນ.

ທີ່ມາhttp://www.kongthap.gov.la