ລັດຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ)ໄດ້ປະດັບຫລຽນກາແຮງງານ ໃຫ້ ທ່ານ ອາກິໂອະ ຟຸຈິຕະ ອາສາສະໝັກອາວຸໂສ ຈາກອົງການຮ່ວມມືສາກົນຍີ່ປຸ່ນ ປະຈຳກົມໂຄສະນາການທ່ອງທ່ຽວ ໃນວັນທີ 1 ທັນວາ 2015 ຢູ່ ນະຄອນຫລວງວຽງຈັນ ທີ່ໄດ້ປະກອບສ່ວນປະຕິບັດໜ້າທີ່ ເປັນຜູ້ຊ່ຽວຊານດ້ານການຕະຫລາດ ແລະ ໂຄສະນາການທ່ອງ ທ່ຽວ ຂອງ ສປປ ລາວ ຕະ ຫລອດໄລຍະ 7 ປີ ກວ່າ (ປີ2008 – ເດືອນມີນາ 2015 ).
ຕະຫລອດໄລຍະຜ່ານມາ ທີ່ໄດ້ປະຕິບັດໜ້າທີ່ເປັນຜູ້ຊ່ຽວຊານ ແລະ ເປັນທີ່ປຶກສາ ກ່ຽວກັບວຽກງານການໂຄສະນາດຶງດູດນັກທ່ອງທ່ຽວ, ທ່ານ ອາກິໂອະ ຟູຈິຕະ ໄດ້ສຸມສະຕິປັນຍາທຸ້ມເທເຫື່ອແຮງຂອງ ຕົນຢ່າງບໍ່ຮູ້ອິດຮູ້ ເມື່ອຍເພື່ອເຮັດສຳເລັດໜ້າທີ່ໆໄດ້ຮັບມອບໝາຍ ໂດຍສະເພາະໜ້າວຽກຕົ້ນຕໍ ຄື: ສຶກສາຄົ້ນຄວ້າ ແລະ ວິໄຈຕະ ຫລາດນັກທ່ອງທ່ຽວຍີ່ປຸ່ນ, ບົນພື້ນຖານຂອງຜົນການວິໄຈຕະຫລາດນັກທ່ອງທ່ຽວ ຈຶ່ງໄດ້ວາງແຜນການເຄື່ອນ ໄຫວໃນການສົ່ງເສີມການທ່ອງທ່ຽວຂອງລາວ, ໃຫ້ຄຳປຶກສາກ່ຽວກັບການວາງແຜນ ໃນການດຶງດູດນັກທ່ອງທ່ຽວຍີ່ປຸ່ນ, ຜະລິດສິ່ງພິມໂຄສະນາການທ່ອງທ່ຽວລາວ ເປັນພາສາຍີ່ປຸ່ນ, ໂຄສະນາການທ່ອງທ່ຽວລາວ ໃນຕະຫລາດ ນັກທ່ອງທ່ຽວຍີ່ປຸ່ນ ແລະ ຊ່ວຍສ້າງຄວາມເຂັ້ມແຂງໃຫ້ແກ່ບຸກຄະລາກອນໃນຂະແໜງການທ່ອງທ່ຽວ ອັນໄດ້ປະກອບສ່ວນ ເຮັດໃຫ້ຄົນຍີ່ປຸ່ນ ຮູ້ຈັກ ແລະ ເດີນທາງມາທ່ອງທ່ຽວ ສປປ ລາວ ນັບມື້ນັບຫລາຍຂຶ້ນ ຄື ຈາກຈຳນວນ 28 ພັນກວ່າຄົນ ໃນປີ 2009 ມາເປັນ 34 ພັນກວ່າຄົນ ໃນປີ 2010 ເປັນ 37 ພັນກວ່າຄົນ ໃນປີ 2011 ເປັນ 42 ພັນກວ່າຄົນໃນປີ 2012 ເປັນ 48 ພັນກວ່າຄົນ ໃນປີ 2013 ແລະ ມາເປັນຈຳນວນ 44 ພັນກວ່າຄົນໃນປີ 2014.
ແຫລ່ງຂ່າວ:
