ຂປລ. ຕາມ​ຂ່າວ​ ຕ່າງປະ​ເທດ, ວັນ​ທີ 1 ​ເດືອນ​ທັນວາ 2015, ​ເຈົ້າໜ້າ​ທ່ີ ກະຊວງ​ ສະ​ຖິຕິ ​ຂອງ​ ອິນ​ເດຍ ​ໃຫ້​ຮູ້​ວ່າ ​​ໃນ​ໄຕ​ມາດ III ຜ່ານ​ມາ, ເສດຖະກິດ ​ປະ​ເທດ​ນີ້ ​ໄດ​​້ຈະ​ເລີ​ນ ​ເຕີບ​ໃຫຍ່​ຂຶ້ນ ​7,4% ​ໂດຍ​ສະ​ເພາະ​​ ຂົງ​ເຂດ ການ​ຜະລິດ ​ແລະ ການ​ບໍລິການ, ​ກາຍ​ເປ​ັນ ປະ​ເທດ ທ່ີ​ມີ​ພື້ນຖານ ​ເສ​ດຖະກິດ ​ຂ​ະຫຍາ​ຍຕົວ ຢ່າງ​ວ່ອງ​ໄວ​ ທ່ີ​ສຸດ​ ໃນ​​ໂລກ. ປັດຈຸບັນ, ລວມຍອດ ​ຜະລິດ​ ຕະພັນ​ ພາຍ​ໃນ ​ອິນ​ເດຍ (GDP) ບັນລຸ ​ຫລາຍ​ກວ່າ 7% ​ໃນ​ໄລ​ຍະ 3 ​ເດືອນ ​ຢ່າງຕໍ່​ເນື່ອງ. ນອກຈາກ​ນັ້ນ, ທ່ານ ອາຣູນ ​ເຈດ​ເລ ລັດຖະມົນຕີ ​ວ່າການ ກະຊວງ ​ການ​ເງິນ ຂອງ​ອິນ​ເດຍ ຍັງ​ໃຫ້​ຮູ້​ວ່າ ​ເສດຖະກິດ​ ປະ​ເທດ​ນີ້ ຈະ​ສືບ​ຕໍ່​ ຈະ​ເລີ​ນ ​ເຕີບ​ໃຫຍ່​ຂຶ້ນ ​ຢ່າງ​ຕໍ່​ເນື່ອງ ​ໃນ​ອະນາຄົດ./.

ແຫ່ລງຂ່າວ