ຫົວໜ່ວຍທຸລະກິດ ແລະ ຜູ້ປະກອບການຕ່າງໆ ໄດ້ນຳເງິນລວມມູນຄ່າ 5,26 ຕື້ກີບ ມາມອບໃຫ້ລັດຖະບານ ເພື່ອປະກອບສ່ວນເຂົ້າໃນການສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 40 ປີ ກໍ່ຄືການກະກຽມຈັດກອງປະຊຸມໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ ທີ່ຈະໝູນວຽນມາເຖິງໃນໄວໆນີ້.
ພິທີມອບ-ຮັບເງິນດັ່ງກ່າວ ໄດ້ຈັດຂຶ້ນວັນທີ 27 ພະຈິກ 2015 ຢູ່ຫ້ອງວ່າການລັດຖະບານ ເຊິ່ງຕາງໜ້າໃຫ້ລັດຖະບານ ໂດຍແມ່ນທ່ານ ອາຊາງ ລາວລີ ຮອງນາຍົກລັດຖະມົນຕີ ຜູ້ຊີ້ນຳຂົງເຂດວຽກງານປົກຄອງ ເປັນຜູ້ຮັບ ໂດຍຊ້ອງໜ້າບັນດາລັດຖະມົນຕີ ແລະ ພະນັກງານກ່ຽວຂ້ອງ.
ສຳລັບຫົວໜ່ວຍທຸລະກິດທີ່ໃຫ້ການສະໜັບສະໜູນຄັ້ງນີ້ ປະກອບມີລັດວິສາຫະກິດໄຟຟ້າລາວ ບໍລິສັດ ພົງຊັບທະວີກໍ່ສ້າງຂົວທາງ ຈຳກັດ ບໍລິສັດ ພີເອັດບີພີເຊກອງພະລັງງານໄຟຟ້າ ແລະ ແຮ່ທາດ ຈຳກັດ ພາກສ່ວນລະ 1 ຕື້ກີບ ບໍລິສັດ ຜະລິດ-ໄຟຟ້າລາວມະຫາຊົນ ກຸ່ມບໍລິສັດ SCIPCL IETL ACAS and SIAM SCIAND INAVIAN ພາກສ່ວນລະ 500 ລ້ານກີບ ບໍລິສັດ ແສງເພັດກໍ່ສ້າງຂົວທາງ ຈຳກັດ ບໍລິສັດ ເອເຊຍລົງທຶນ ແລະ ບໍລິການ ຈຳກັດຜູ້ດຽວ ພາກສ່ວນລະ 300 ລ້ານກີບ ບໍລິສັດ ໄຟຟ້າດອນສະໂຮງ ຈຳກັດ 160 ລ້ານກີບ ນອກນີ້ຍັງມີເຂດເສດຖະກິດພິເສດສາມຫຼ່ຽມຄຳ ແຂວງບໍ່ແກ້ວ 500 ລ້ານກີບ ເຊິ່ງຈະມາມອບໃນວັນທີ 1 ທັນວາ ທີ່ຈະມາເຖິງ.
ແຫ່ລງຂ່າວ
