“ໄກ່ງາມເພາະຂົນ ຄົນງາມເພາະແຕ່ງ” ເຄີຍສັງເກດກັນບໍ່ວ່າເຄື່ອງສຳອາງທີ່ເຮົາບັນຈົ່ງແຕ່ງໜ້າໄປທຸກໆ ມື້ ນັ້ນສົ່ງຜົນດີີຫລືຜົນເສຍກັບເຮົາຫລາຍນ້ອຍພຽງໃດເຮົາລອງມາເບິ່ງ 5 ຜົນດີ ຖ້າເຮົາເປັນສາວໜ້າສົດກັນ
1. ຟື້ນຟູສະພາບຜິວໃຫ້ໂດດເດ້ງ
ເຄື່ອງສຳອາງບໍ່ໄດ້ຊ່ວຍບຳລຸງຜິວຫລືມີສ່ວນປະສົມທີ່ຈຳເປັນໃນການບຳລຸງຜິວໃຫ້ດີຂຶ້ນເລີຍ! ອາດຈະເປັນເລື່ອງແທ້ທີ່ເຄື່ອງສຳອາງຈະຊ່ວຍໃຫ້ທ່ານສາວໆ ເບິ່ງໝັ່ນໃຈ ຈາກການແຕ່ງເຕີມໃຫ້ເບິ່ງໂດດເດັ່ນຫລືປິດຈຸດບົກຜ່ອງທີ່ເປັນບັນຫາ ຊຶ່ງໃນໄລຍະຍາວແລ້ວສານເຄມີທີ່ຢູ່ໃນເຄື່ອງສຳອາງນັ້ນອາດເປັນສາເຫດທີ່ເຮັດໃຫ້ເກີດຮອຍແຫ່ວຍົ່ນ ແລະຜິວທີ່ເບິ່ງແກ່ກ່ອນໄວ ຫາກເລືອກໃຊ້ເຄື່ອງສຳອາງທີ່ບໍ່ໄດ້ມາດຕະຖານ ລວມເຖິງການລ້າງເຄື່ອງສຳອາງບໍ່ໝົດ2. ສ້າງຄວາມໝັ້ນໃຈ ຈາກຕົວຕົນທ່ານແທ້ໆ
ມາເລີ່ມສ້າງຄວາມໝັ້ນໃຈຈາກຕົວຂອງທ່ານເອງໄດ້ແລ້ວ ເພາະການແຕ່ງໜ້າເປັນສ່ວນຫນຶ່ງທີ່ສະແດງໃຫ້ເຫັນເຖິງຄວາມບໍ່ໝັ້ນໃຈໃນຕົວເອງ ກໍ່ເລີຍຕ້ອງໃຊ້ເຄື່ອງສຳອາງເພື່ອເປັນໜ້າກາກປິດບັງໃບຫນ້າທີ່ແທ້ຈິງ ສາວໆ ບາງຄົນເຖິງຂະໜາດຮັບໃບຫນ້າທີ່ແທ້ຈິງຂອງຕົນເອງບໍ່ໄດ້ ຕ້ອງແຕ່ງໜ້າຕະຫລອດເວລາບໍ່ວ່າໃນຂະນະທີ່ຢູ່ເຮືອນ ລອງຄ່ອຍໆ ປັບຕົວຂອງທ່ານແລະຍອມຮັບຄວາມງາມຂອງຕົວເຈົ້າເອງດີກວ່າ
3. ປະຫຍັດເວລາ
ເຄີຍຈັບເວລາບໍ່? ໃນແຕ່ລະມື້ເຈົ້າໃຊ້ເວລາໃນການແຕ່ງໜ້າທັງໝົດຈັກນາທີ? ຫລືບາງຄົນອາດເປັນຊົ່ວໂມງ? ແນ່ນອນວ່າບໍ່ນ້ອຍເລີຍແມ່ນບໍ່ ແຮງຕອນເວລາທີ່ຟ້າວ ແທບຈະບໍ່ເປັນອັນຕ້ອງເຮັດແນວອື່ນເລີຍ ແລ້ວມື້ໃດທີ່ຕ້ອງອອກງານ ແຮງຕ້ອງແຕ່ງໜ້າຈັດເຕັມແລ້ວ ບໍ່ຢາກຈະນຶກເລີຍວ່າຕ້ອງໃຊ້ເວລາຕຽມຕົວຈັກຊົ່ວໂມງຂ້ອຍແນະນຳໃຫ້ເອົາເວລາໄປພັກຜ່ອນເພື່ອຄວາມງາມບຳລຸງຜິວພັນດີກວ່າ ຈະໄດ້ງາມຈາກພາຍໃນແຖມປະຫຍັດເວລານຳອີກ
4. ລຸກທຳມະຊາດນີ້ແຫລະຜູ້ຊາຍມັກ
ຢ່າດູໝິ່ນສາວໜ້າໃສໆ ສະໄຕທຳມະຊາດເດີ້ ເພາະເຄີຍຖາມຜູ້ຊາຍ ກັນມາແລ້ວວ່າສາວແບບທີ່ເປັນທຳມະຊາດເປັນສະໄຕທີ່ຜູ້ຊາຍ ມັກຫຼາຍທີ່ສຸດ ເພາະເວລາເຫັນສາວທີ່ແຕ່ງໜ້າຈັດໆ ແລ້ວຈະນຶກເຖິງໝໍລຳເລື່ອງ
5. ປະຫຍັດເງີນໃນກະເປົ໋າ
ຫາກຈະໃຫ້ຂ້ອຍຊ່ວຍຄິດໄລ່ກັບຄ່າໃຊ້ຈ່າຍທີ່ຕ້ອງເສຍໃນແຕ່ລະເດືອນ ບໍ່ວ່າຈະເປັນ ຄ່າຮອງພື້ນ ຄ່າແປ້ງ ຄ່າບລັດອອນ ຄ່າມາດຄາລ່າ ຄ່າ Eyes Liner ບໍ່ນ້ອຍກັນເລີຍທີດຽວ ບາງທີມີຄໍເລັກຊັ່ນໃໝ່ອີກ ບາງຢ່າງທີ່ບໍ່ຈຳເປັນຫລືມີແລ້ວກໍ່ຊື້ມັນເຂົ້າໄປ ສຸດທ້າຍແລ້ວກໍ່ມາຢູ່ໃນສະເຕາະ ແບບບໍ່ໄດ້ເອົາມາໃຊ້ ສາວໆ ຮູ້ບໍ່ວ່າ ຫາກລວມເງີນແລ້ວເອົາໄປທ່ຽວຕ່າງແຂວງ ໄດ້ສະບາຍສະບາຍ