spot_img
Homeຂ່າວການພັດທະນາຍ້ອງຍໍຂະບວນການແຂ່ງຂັນ ຮັກຊາດສ້າງບ້ານພັດທະນາ ຕິດພັນວຽກງານ 3 ສ້າງ

ຍ້ອງຍໍຂະບວນການແຂ່ງຂັນ ຮັກຊາດສ້າງບ້ານພັດທະນາ ຕິດພັນວຽກງານ 3 ສ້າງ

Published on

26f555acb2bacc5aeda2671b30b4ab9c

ພາຍຫຼັງ​ກົມ​ການເມືອງ​ສູນກາງ​ພັກ ໄດ້​ອອກ​ມະຕິ 01/​ກມສພ ລົງ​ວົງ​ທີ 20 ມັງກອນ 2010 ວ່າດ້ວຍ​ການ​ເພີ່ມ​ທະວີ​ວຽກ​ງານແຂ່ງຂັນ ແລະ ຍ້ອງຍໍ​ໄລຍະ​ໃໝ່ ພາຍ​ໃຕ້​ຄຳ​ຂັວນ (ຮັກ​ຊາດ ແລະ ພັດທະນາ) ແລະ ມະຕິ 03 ວ່າດ້ວຍ​ວຽກ​ງານ 3 ສ້າງ ໃນ​ປີ 2013 ພັກ-ລັດຖະບານ ລວມ​ທັງອົງການ​ປົກຄອງ​ທ້ອງຖິ່ນ ຕະຫຼອດ​ຮອດ​ປະຊາຊົນ​ບັນດາເຜົ່າ ໄດ້​ເອົາໃຈໃສ່​ຢ່າງ​ຕັ້ງໜ້າ ​ເຂົ້າ​ໃນການຈັດຕັ້ງ​ປະຕິບັດ​ວຽກ​ງານ​ດັ່ງກ່າວ ດ້ວຍ​ຄວາມ​ຮັບຜິດຊອບສູງ ຜ່ານ​ການ​ປະຕິບັດ​ມາ 5 ປີ ສາມາດ​ສ້າງ​ນາມມະຍົດ​ພັດ​ທະນາ​ແຫ່ງ​ຊາດ ຈຳນວນ 3 ບ້ານ ແລະ 5 ທ່ານ ໄດ້​ຮັບ​ຫຼຽນ​ໄຊ​ແຮງງານ ຊັ້ນ I ໃຫ້​ບ້ານ​ດີເດັ່ນ ຈຳນວນ 15 ບ້ານ ແລະ ນັກພັດທະນາ​ດີເດັ່ນ-ຜູ້​ປະກອບ​ການດີເດັ່ນ ຈຳນວນ 14 ຄອບຄົວ ແລະ 3 ທ່ານ.

ກອງ​ປະຊຸມ​ສະຫຼຸບ​ຕີ​ລາຄາ ແລະ ຍ້ອງຍໍຂະ​ບວນ​ການ​ແຂ່ງຂັນ ​ຮັກ​ຊາດ ສ້າງ​ບ້ານ​ພັດທະນາ ແລະ ຜັນ​ຂະຫຍາຍ​ວຽກ​ງານ 3 ສ້າງ ເຂົ້າ​ສູ່​ລວງ​ເລິກ​ທົ່ວ​ປະເທດ ຈັດ​ຂຶ້ນລະຫວ່າງວັນ​ທີ 25-26 ພະຈິກ 2015 ຢູ່​ທີ່​ຫໍ​ປະຊຸມ​ແຫ່ງຊາດ ໂດຍ​ການ​ເປັນ​ປະທານ​ຂອງສະຫາຍ ບຸນ​ຍັງ ວໍລະ​ຈິດ ກຳ​ມະການ​ກົມ​ການເມືອງສູນ​ກາງ​ພັກ ຜູ້​ປະຈຳການ​ຄະນະ​ເລຂາທິການສູນ​ກາງ​ພັກ ຮອງ​ປະທານ​ປະເທດ ຫົວໜ້າ​ຄະນະ​ຊີ້​ນຳ​ເຮັດ​ທົດ​ລອງວຽກ​ງານ 3 ສ້າງ ໃຫ້​ກຽດ​ເຂົ້າຮ່ວມ​ກອງ​ປະຊຸມ​ມີ​ສະຫາຍ ຈູມມາລີ ໄຊ​ຍະ​ສອນ ເລຂາທິການໃຫຍ່ ຄະນະ​ບໍລິຫານ​ງານ​ສູນກາງ​ພັກປະຊາຊົນ​ປະຕິວັດ​ລາວ ສະຫາຍ ທອງ​ສິງ ທຳ​ມະ​ວົງ ກຳມະ​ການ​ກົມ​ການເມືອງ​ສູນ​ກາງພັກ ນາຍົກລັດຖະມົນຕີ ພ້ອມດ້ວຍ​ບັນດາ​ກຳມະການ​ກົມ​ການເມືອງ ຄະນະ​ລັດຖະບານ ເຈົ້າແຂວງ-ເຈົ້າເມືອງ ແລະ ຕົວແທນຈາກ​ຂະແໜງການ​ທ້ອງຖິ່ນ 600 ກວ່າ​ສະຫາຍ.

ຕະຫຼອດ​ການ​ດຳເນີນ​ກອງປະຊຸມໄລຍະ 2 ວັນ ຜູ້​ເຂົ້າ​ຮ່ວມໄດ້​ຮັບ​ຟັງ​ລາຍ​ງານ​ ສະຫຼຸບ​ຕີ​ລາຄາ​ຜົນ​ການຈັດຕັ້ງ​ປະຕິບັດ​ຂະບວນ​ການ​ແຂ່ງຂັນ​ຮັກ​ຊາດ ແລະ ພັດທະນາ ກໍ່​ຄືຂະ​ບວນ​ການ​ຫັນລົງ​ຮາກ​ຖານ ສ້າງ​ບ້ານ​ພັດ​ທະນາ ແລະ ຊຸກຍູ້​ວຽກ​ງານ 3 ສ້າງເຂົ້າ​ສູ່​ລວງ​ເລິກໃນ​ຊຸມ​ປີຜ່ານມາ ຢ່າງຮອບດ້ານ ເພື່ອ​ຖອດ​ຖອນບົດຮຽນ ແລະ ປັບປຸງ​ຂອດ​ທີ່​ຍັງຄົງ​ຄ້າງ ເພື່ອ​ສືບຕໍ່​ສ້າງ​ບາດກ້າວບຸກ​ທະລຸ​ທັງ 4 ດ້ານ​ຂອງ​ພັກ-ລັດຖະ​ບານ​ວາງ​ອອກ ໃຫ້​ປະສົບ​ຜົນສຳເລັດ​ຕາມ​ຄາດໝາຍ​ວາງ​ໄວ້ ເຊິ່ງ​ຈາກ​ຄວາມ​ເອົາໃຈໃສ່​ຂອງພັກ-ລັດຖະບານ ຕະຫຼອດ​ຮອດອົງການ​ປົກຄອງ​ທ້ອງຖິ່ນ ມາຮອດ​ປັດຈຸບັນ ທົ່ວ​ປະເທດ​ມີ​ບ້ານທີ່​ມີ​ເສັ້ນທາງ​ເຂົ້າ​ເຖິງ ແລະ ທຽວໄດ້​ຕະຫຼອດ​ປີ ເພີ່ມ​ຂຶ້ນກວມ 84,40% ບ້ານ​ມີ​ນ້ຳ​ສະອາດ​ຊົມໃຊ້ 91,65% ໄດ້​ຊົມໃຊ້​ໄຟຟ້າ ກວມ​ເອົາ 87% ບ້ານ​ທີ່​ມີ​ໂຮງຮຽນ​ປະຖົມ​ເພີ່ມ​ຂຶ້ນ ກວມ 98,78% ຄຽງ​ຄູ່​ກັນ​​ນັ້ນ ການພັດທະນາ​ວຽກ​ງານວັດທະນະທຳ-ສັງຄົມ ແລະ ວຽກ​ງານ​ສາທາ​ລະນະ​ສຸກ ກໍ່​ໄດ້​ຮັບ​ການ​ປັບປຸງ ແລະ ຂະຫຍາຍ​ຕາ​ໜ່າງການ​ບໍລິການ​ໃນ​ເຂດ​ຫ່າງ​ໄກສອກຫຼີກ​ຢ່າງ​ຕໍ່​ເນື່ອງ.

ໂອກາດ​ດັ່ງກ່າວ ແນໃສ່​ເຮັດໃຫ້​ການຈັດຕັ້ງ​ປະຕິບັດ​ວຽກ​ງານໃນຕໍ່ໜ້າ​ ປະສົບ​ຜົນ​ເປັນ​ຈິງ ສະຫາຍ ຈູມ​ມາລີ ໄຊ​ຍະ​ສອນ ໄດ້ຮຽກຮ້ອງ​ໃຫ້​ຄະນະ​ກຳມະການ​ຊີ້ນຳ​ວຽກ​ງານ​ຂະ​ບວນ​ການແຂ່ງຂັນ​ຮັກ​ຊາດ ແລະ ພັດທະນາ ບ້ານ​ພັດທະນາ ແລະ ວຽກ​ງານ 3 ສ້າງ ໄດ້​ສືບຕໍ່​ຈັດ​ຕັ້ງ​ຜັນ​ຂະຫຍາຍ​ວຽກ​ງານ​ສ້າງ​ແຂວງເປັນ​ຫົວໜ່ວຍ​ຍຸດ​ທະ​ສາດ ສ້າງ​ເມືອງ​ເປັນ​ຫົວໜ່ວຍ​ເຂັ້ມແຂງ​ຮອບດ້ານ ແລະ ສ້າງ​ບ້ານເປັນ​ຫົວໜ່ວຍ​ພັດທະນາ ໃຫ້​ເຂົ້າສູ່​ລວງ​ເລິກ​ຍິ່ງ​ຂຶ້ນ​ກວ່າ​ເກົ່າ ຮີບຮ້ອນ​ເບິ່ງ​ຄືນ​ບັນດາ​ນິຕິ​ກຳ​ທີ່​ກຳນົດ​ພາລະ​ບົດບາດ​ ຂອບ​ເຂດ​ສິດຄວາມ​ຮັບຜິດຊອບ​ຂອງ​ແຕ່​ລະຂັ້ນ ຄຽງ​ຄູ່​ກັບ​ການ​ປັບປຸງ-ຈັດວາງ​ພະນັກງານ​ວິຊາ​ສະເພາະ​ໃຫ້ສອດຄ່ອງ ແລະ ຖືກ​ຕາມ​ທິດ​ເອົາໃຈ​ໃສ່​ສ້າງ ແລະ ຄັດ​ເລືອກ​ພະນັກ​ງານ​ດີເດັ່ນ ຈາກ​ຂະ​ບວນການ​ຕົວ​ຈິງ​ຢູ່​ຂັ້ນ​ຮາກ​ຖານ ເພື່ອສ້າງ​ເປັນ​ພະນັກງານ​ສືບ​ທອດຕາມ​ທິດ​ຫັນ​ເປັນ​ໜຸ່ມ ແລະ ໜັກແໜ້ນ ພ້ອມ​ນັ້ນ ຄະນະ​ພັກ​ແຕ່ລະ​ຂັ້ນ ຕ້ອງ​ສືບຕໍ່​ປ່ຽນແປງ​ຕົວເອງ​ຢ່າງ​ບໍ່​ຢຸດ​ຢັ້ງ ຕາມ​ເນື້ອ​ໃນຈິດໃຈ 4 ບຸກ​ທະລຸ ແນໃສ່​ຕອບສະໜອງຄວາມ​ຮຽກຮ້ອງ​ຕ້ອງການ​ໃນ​ການ​ຍົກ​ສູງ​ຄວາມ​ສາມາດ ແລະ ຄຸນະພາບ​ການ​ນຳພາ​ຂອງ​ພັກ​ໄລຍະ​ໃໝ່​ເປັນຕົ້ນ.

ແຫ່ລງຂ່າວ

ວຈໝ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...