ໄລຍະນີ້, ບໍລິເວນຄວາມກົດດັນສູງຂອງອາກາດເຢັນ ຈະປົກຄຸມຢູ່ທົ່ວທຸກພາກຂອງລາວ ດ້ວຍກຳລັງປານກາງ, ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອ ພັດປົກຄຸມ, ເຊິ່ງຈະເຮັດໃຫ້ອາກາດໜາວເຢັນໃນແຕ່ລະພາກ, ພ້ອມຈະມີຝົນຕົກ ໃນລະດັບຄ່ອຍຢູ່ບາງທ້ອງຖິ່ນ. ຈາກນັ້ນ ໃນໄລຍະວັນທີ 26-29 ພະຈິກນີ້, ມວນອາກາດໜາວເຢັນ ຈະມີກຳລັງແຮງເພີ່ມຂຶ້ນອີກ, ເຊິ່ງຈະເຮັດໃຫ້ອາກາດໜາວລົງ ພ້ອມມີໝອກບາງປົກຄຸມຢູ່ທົ່ວໄປ ແລະ ໝອກໜາໃນຕອນເຊົ້າຢູ່ບາງທ້ອງຖິ່ນ ຂອງແຂວງພາກເໜືອ.
ສະພາບອາກາດໃນໄລຍະນີ້ ອາກາດສ່ວນໃຫຍ່ຈະໜາວເຢັນ ຢູ່ບັນດາແຂວງພາກເໜືອ, ໄຊສົມບູນ ແລະ ເຂດພູພຽງບໍລະເວນປາກຊ່ອງ, ຈາກນັ້ນ ອາກາດຈະເຢັນລົງອີກ 2-4 ອົງສາໃນແຕ່ລະພາກ. ສ່ວນສະພາບຝົນ ຍັງຈະມີຝົນຕົກກະຈາຍຢູ່ບາງທ້ອງຖິ່ນ ຂອງແຂວງພາກເໜືອ ແລະ ເຂດດ້ານຕາເວັນອອກ ຂອງພາກກາງ, ຕົ້ນອາທິດໜ້າ ຝົນຈະຫລຸດລົງ ຄາດຄະເນປະລິມານນ້ຳຝົນ ລວມໃນ 7 ວັນຕໍ່ໜ້າ ຈະມີຝົນຕົກຕ່ຳກວ່າປົກກະຕິ.
ແຫລ່ງຂ່າວ:
