spot_img
Home​ຂ່າວບັນເທິງຖວທ ແຂວງຫລວງພະບາງ ຊະນະເລີດແຂ່ງຂັນຮູບເງົາສັ້ນ ຫົວຂໍ້ 40 ປີ ແຜ່ນດິນແມ່ທີ່ແສນຮັກ

ຖວທ ແຂວງຫລວງພະບາງ ຊະນະເລີດແຂ່ງຂັນຮູບເງົາສັ້ນ ຫົວຂໍ້ 40 ປີ ແຜ່ນດິນແມ່ທີ່ແສນຮັກ

Published on

l256

ຂປລ. ຮູບເງົາເລື່ອງສັ້ນໝໍເອກ ຈາກພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວຫລວງພະບາງ ໄດ້ຮັບລາງວັນທີ1 ໄດ້ຮັບຂັນລາງວັນ1 ໜ່ວຍ, ເງິນສົດຈຳນວນ 8 ລ້ານກີບ, ພ້ອມໃບຢັ້ງຢືນຈາກການປະກາດຜົນການແຂ່ງຂັນຮູບເງົ່າທົ່ວປະເທດ ໃນຫົວຂໍ້ 40 ປີ ແຜ່ນດິນແມ່ທີ່ແສນຮັກ ​ເຊິ່ງ​ໄດ້​ຈັດ​ຂຶ້ນໃນວັນທີ 25 ພະຈິກ 2015 ຢູ່ກົມຮູບເງົາ ນະຄອນຫລວງວຽງຈັນ, ລາງວັນ​ທີ 2  ຄື ເລື່ອງເທິງແຜ່ນດິນລະບອບໃໝ່ ໄດ້ຮັບຂັນລາງວັນຂັນ 1 ໜ່ວຍເງິນສົດຈຳນວນ 5 ລ້ານກີບ, ພ້ອມໃບຢັ້ງຢືນ, ລາງວັນທີ 3 ເລື່ອງຄວາມຫວັງຂອງບ້ານເຮົາ ໄດ້ຮັບຂັນ 1 ໜ່ວຍ,ເງິນສົດ 3 ລ້ານກີບ, ພ້ອມໃບຢັ້ງຢືນ. ພ້ອມນີ້ ປະເພດຮູບເງົາສາລະຄະດີເລື່ອງ ຮ້ອງລຳແຜ່ນດິນແມ່ ຈາກພະແນກຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງຫລວງພະບາງ ໄດ້ຮັບລາງວັນທີ 1 ພ້ອມ​ຂັນ 1 ໜ່ວຍ, ເງິນສົດ 8 ລ້ານກີບ ພ້ອມໃບຢັ້ງຢືນ ຈາກການປະກາດຜົນການແຂ່ງຂັນດັ່ງກ່າວ, ທີ 2 ປະເພດຮູບເງົາສາລະຄະດີ ແມ່ນເລື່ອງ ການຈັດສັນ ແລະ ຍົກຍ້າຍເມືອງກະລືມໃໝ່ ຈາກໂທລະພາບ ແຂວງເຊກອງ ໄດ້ຂັນ 1 ໜ່ວຍ, ເງິນສົດ ຈຳນວນ 5 ລ້ານກີບ, ພ້ອມໃບຢັ້ງຢືນ ແລະ ລາງ ວັນທີ 3 ຮູບເງົາສາລະຄະດີ ເລື່ອງໄຟຟ້າລາວ ກັບການແກ້ໄຂຄວາມທຸກຍາກ ຢູ່ແຂວງສາລະວັນ ຈາກພະແນກ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງສາລະວັນ ໄດ້ຮັບຂັນ1 ໜ່ວຍ,ເງິນສົດ 3 ລ້ານກີບ, ພ້ອມໃບຢັ້ງຢືນ.

ທ່ານ ດຣ. ບຸນຈອມ ວົງເພັດ ຫົວໜ້າກົມຮູບເງົາ ກ່າວວ່າ: ການແຂ່ງຂັນດັ່ງກ່າວ​ໄດ້ຈັດຂຶ້ນ ເພື່ອສ້າງຂະບວນການ ສະເຫລີມສະຫລອງ, ຄຳນັບຮັບຕ້ອນ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 60 ປີ, ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ, ເຊິ່ງຮູບເງົາ ສ່ວນໃຫຍ່ແມ່ນໄດ້ສ່ອງແສງ ໃຫ້ເຫັນເຖິງແນວທາງນະໂຍບາຍ ອັນຖືກຕ້ອງຂອງພັກ-ລັດ ໃນການນຳພາປົກປັກຮັກສາ ແລະ ສ້າງສາພັດທະນາ ປະເທດຊາດ ເຫັນໄດ້ເຖິງວັດທະນະທຳ, ຮີດຄອງປະເພນີ ອັນດີງາມຂອງຊາດ ຂອງເຜົ່າຊົນ ແລະ ຄວາມອຸດົມສົມບູນຮັ່ງມີ ສວຍງາມຂອງປະເທດລາວ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສະໜັບສະໜູນ 35 ພັນໂດລາ! ລັດຖະບານຕວັກກີ ສະໜັບສະໜູນອຸປະກອນການແພດສຳລັບເດັກເກີດໃໝ່ ມູນຄ່າ 35 ພັນໂດລາ ໃຫ້ໂຮງໝໍຢູ່ແຂວງສາລະວັນ

ວັນທີ 12 ກຸມພາ 2026 ທີ່ຜ່ານມານີ້ນີ້ ຢູ່ທີ່ຫ້ອງປະຊຸມໂຮງໝໍແຂວງສາລະວັນ ໄດ້ຈັດພິທີມອບ–ຮັບ ການສະໜັບສະໜູນອຸປະກອນການແພດສຳລັບເດັກເກີດໃໝ່ ໂດຍອົງການຮ່ວມມື ແລະ ປະສານງານຂອງຕວັກກີ (TIKA ) (ໂຄງການ...

ເປັນຫຍັງຈຶ່ງໃຫ້ດອກກຸຫຼາບ? ໃນວັນແຫ່ງຄວາມຮັກຂອງທຸກໆປີ ຜູ້ຄົນຈະບໍ່ກ້າເວົ້າຄໍາວ່າຮັກໂດຍກົງ ດອກກຸຫຼາບ ຈຶ່ງຖືກໃຊ້ເປັນສື່ກາງແທນຄໍາເວົ້າ

ໃນທຸກໆປີ ເມື່ອເຖິງມື້ວາເລັນທາຍ 14 ກຸມພາ ດອກກຸຫຼາບຈະກາຍເປັນດອກໄມ້ທີ່ໄດ້ຮັບຄວາມນິຍົມຫຼາຍທີ່ສຸດໃນການມອບໃຫ້ກັນເປັນຂອງຂວັນ. ດອກໄມ້ຊະນິດນີ້ບໍ່ແຕ່ມີຄວາມງາມ ແຕ່ຍັງເປັນຕົວແທນຂອງຄວາມຮັກ ແລະຄວາມພິເສດ. ດອກກຸຫຼາບໄດ້ຖືກເຊື່ອມໂຍງກັບຄວາມຮັກມາຕັ້ງແຕ່ອະດີດ. ໃນວັດທະນະທໍາໂຣມັນ ດອກກຸຫຼາບແມ່ນດອກໄມ້ປະຈໍາຂອງ Venus ເທບແຫ່ງຄວາມຮັກ. ຄົນໃນຍຸກນັ້ນເຊື່ອວ່າ ດອກກຸຫຼາບສີແດງເປັນຕົວແທນຂອງຄວາມຮັກ...

ມີລາຍຮັບ 94 ລ້ານໂດລາ ໃນປີ 2025 ຂະແໜງການທ່ອງທ່ຽວແຂວງຈໍາປາສັກ ສາມາດສ້າງລາຍຮັບຫຼາຍກວ່າ 94 ລ້ານໂດລາ

ໃນໄລຍະ 1 ປີຜ່ານມາ ຫຼື ປີ 2025 ທີ່ຜ່ານມາ, ແຂວງຈໍາປາສັກມີລາຍຮັບຫຼາຍກວ່າ 94 ລ້ານໂດລາຈາກຂະແໜງທ່ອງທ່ຽວໂດຍມີນັກທ່ອງທ່ຽວເຂົ້າມາທ່ຽວພາຍໃນແຂວງ ທັງໝົດ 728,064 ເທື່ອຄົນ, ໃນນັ້ນ,​...

ເສີມຂະຫຍາຍສາຍພົວພັນ ສອງນາຍົກລັດຖະມົນຕີ ລາວ-ກໍາປູເຈຍ ພົບປະປຶກສາຫາລືເສີມຂະຫຍາຍການພົວພັນຮ່ວມມືສອງຝ່າຍ

ໃນວັນທີ 7 ກຸມພາ 2026 ທີ່ຜ່ານມາ, ທີ່ນະຄອນຫຼວງພະນົມເປັນ ຣາຊະອານາຈັກກໍາປູເຈຍ, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ...