spot_img
Homeຂ່າວການພັດທະນາຍີ່ປຸ່ນໃຫ້ການຊ່ວຍເຫລືອ ປັບປຸງຂົວຢູ່ເສັ້ນທາງເລກ 9 ຄືນໃໝ່

ຍີ່ປຸ່ນໃຫ້ການຊ່ວຍເຫລືອ ປັບປຸງຂົວຢູ່ເສັ້ນທາງເລກ 9 ຄືນໃໝ່

Published on

4-1

ວັນ​ທີ 24 ພະຈິກນີ້ທີ່ ກະ ຊວງການຕ່າງປະເທດໄດ້ມີ ພິທີລົງນາມເອກະສານແລກປ່ຽນໂຄງການຊ່ວຍເຫຼືອຈາກ ລັດຖະບານຍີ່ປຸ່ນ ຈຳນວນ 1 ໂຄງການຄື: ໂຄງການອອກແບບປັບປຸງຂົວຄືນໃໝ່ໃນເສັ້ນທາງຫຼວງເລກທີ 9 ມູນຄ່າ 70ລ້ານ​ເຢັນ, ຕາງໜ້າ​ລັດຖະບານ ແຫ່ງ ສປປ ລາວ ຮ່ວມລົງນາມສານ ແລກປ່ຽນ ດັ່ງກ່າວແມ່ນທ່ານ ແສງເພັດ ຮຸ່ງບຸນຍວງ ລັດຖະມົນຕີຊ່ວຍ ວ່າການກະຊວງການຕ່າງປະ ເທດ ແລະ ຕາງໜ້າລັດຖະບານ ຍີ່ປຸ່ນແມ່ນທ່ານ ຮິໂຣຢູກິ ກິຊິໂນະ  ເອກອັກຄະລາຊະທູດຍີ່ປຸ່ນປະຈຳ ສປປ ລາວ ໂດຍມີພະນັກງານຈາກກະຊວງຂະແໜງການທີ່ກ່ຽວຂ້ອງ ຂອງ ສປປ ລາວ, ສະຖານທູດຍີ່ປຸ່ນ ແລະ ອົງການ JICA ປະຈຳ ສປປ ລາວ ເຂົ້າຮ່ວມເປັນສັກຂີພິ ຍານ. ໂຄງການດັ່ງກ່າວແມ່ນ ນອນຢູ່ໃນແຜນງານຂອງລັດ ຖະບານ ສປປ ລາວທີ່ໄດ້ສະ ເໜີຂໍການຊ່ວຍເຫຼືອຈາກລັດ ຖະບານຍີ່ປຸ່ນ ພາຍໃຕ້ຂອບການຊ່ວຍເຫຼືອທາງການເພື່ອ ການພັດທະນາ (ODA) ຊຶ່ງ​ຈະ ​ປະກອ​ບ ສ່ວນອັນ​ສຳຄັນ​ໃຫ້​ແກ່​ ການພັດທະນາ​ເສດຖະກິດ-ສັງຄົມ​ຂອງ ສປປ ລາວ ​ໃນຕໍ່ໜ້າ, ​ເວົ້າ​ສະ​ເພາະ​ແມ່ນ​ການ ​ເຊື່ອມ​ໂຍງ​ທາງ​ດ້ານ​ຄົມມະນາຄົມ​ກັບ​ບັນດາ​ປະ​ ເທດ​ໃນ​ຂົງ ​ເຂດ​ອະນຸພາກພື້ນ​ແມ່ນ້ຳ​ຂອງ. ພາຍຫຼັງ​ສຳ​ເລັດ​ການ​ລົງ​ນາມດັ່ງກ່າວ, ທ່ານ ​ແສງ​ເພັດ ຮຸ່ງ​ບຸນ​ຍວງ ລັດຖະມົນຕີ​ຊ່ວຍ​ວ່າການ​ກະຊວງ​ການ​ຕ່າ​ງ ປະ​ເທດ ​ໄດ້​ຕາງໜ້າ​ລັດຖະບານ ​ແຫ່ງ ສປປ ລາວ ປະ​ດັບ​ຫຼຽນ​ກາ​ມິດ ຕະພາບ​​ໃຫ້​ແກ່​ທ່ານ​ເອກ​ອັກ ຄະ​ລາຊະທູດ ຮິ​ໂຣຢູກິ ກິ​ຊິ​ໂນະ ​ເພື່ອ​ສະ​ແດງຄວາ​ມຮູ້​ບຸນ ຄຸນ ​ແລະ ຍ້ອງຍໍ​ທ່ານ​ທູດ​ທີ່​ມີ ຜົນງານ​ໃນ​ການ​ປະກອບສ່ວນ ​ເສີມ​ຂະຫຍາຍ​ສາຍ​ພົວພັນ​ມິດ ຕະພາບ ​ແລະ ການ​ຮ່ວມ​ມື​ລະຫວ່າງ​ສອງ​ປະ​ເທດລາວ-ຍີ່ປຸ່ນ ກໍ​ຄື​ການ​ເປັນ “ຄູ່​ຮ່ວມ​ມື​ຍຸດທະ ສາດ” ​ໃຫ້ມີ​ບາດກ້າວ​ຂະຫຍາຍ ຕົວ​ຍິ່ງໆ​ຂຶ້ນ.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...