spot_img
Homeຂ່າວພາຍ​ໃນລາວ-ຍີ່ປຸ່ນ-ໄທ ຕົກລົງຮ່ວມມືສົ່ງເສີມການລົງທຶນ

ລາວ-ຍີ່ປຸ່ນ-ໄທ ຕົກລົງຮ່ວມມືສົ່ງເສີມການລົງທຶນ

Published on

japan-laos

ພິທີລົງນາມບົດບັນທຶກຄວາມເຂົ້າໃຈເພື່ອຊຸກຍູ້ສົ່ງເສີມການລົງທຶນຈາກຕ່າງປະເທດມາລາວໃຫ້ຫລາຍຂຶ້ນໃນອະນາຄົດ, ໄດ້ມີຂຶ້ນໃນວັນທີ 24 ພະຈິກນີ້ທີ່ນະຄອນຫລວງວຽງຈັນລະຫວ່າງທ່ານ ມະໂນທອງ ວົງໄຊ ຫົວໜ້າກົມສົ່ງເສີມການລົງທຶນກະຊວງແຜນການ ແລະ ການລົງທຶນ ແລະ ທ່ານໂກວານາເບະອໍານວຍການຫົວໜ້າພາກພື້ນອາຊີທະນາຄານໂຕກຽວ-ມິຊູບິຊິຢູເອບເຈ(MUFG) ແລະ ທ່ານ ໂນຣິອາ ກິໂກໂຕ ປະທານທະນາຄານກຸງສີປະເທດໄທ.

ທ່ານຫົວໜ້າກົມສົ່ງເສີມການລົງທຶນໃຫ້ຮູ້ວ່າ: ນີ້ແມ່ນນິມິດໝາຍທີ່ດີໃນການຮ່ວມມື ແລະ ພັດທະ ນາເສດຖະກິດລະຫວ່າງລາວ, ຍີ່ປຸ່ນ ແລະ ໄທໃນອະນາຄົດ, ເຊິ່ງໄລຍະຜ່ານມາການຮ່ວມມືຂອງ 3 ປະເທດລາວ, ຍີ່ປຸ່ນ ແລະ ໄທ ກໍມີຜົນສໍາເລັດຫລາຍດ້ານ, ໂດຍສະເພາະການຊ່ວຍເຫລືອພັດທະນາ

ພື້ນຖານໂຄງລ່າງຕ່າງໆ ແລະ ນັບແຕ່ພັກ ແລະ ລັດຖະບານໄດ້ມີນະໂຍບາຍເປີດກວ້າງການຮ່ວມມືກັບຕ່າງປະເທດກໍເຫັນວ່າການລົງທຶນຂອງພາກເອກະຊົນຍີ່ປຸ່ນ ແລະ ໄທເຂົ້າມາລາວແມ່ນມີມູນຄ່າເພີ່ມຂຶ້ນຫລາຍເທົ່າຕົວໃນແຕ່ລະປີ ແລະ ສໍາລັບການດຶງດູດການລົງທຶນຈາກຕ່າງປະເທດໃນຕໍ່ໜ້າ, ລັດຖະບານມີເປົ້າໝາຍສືບຕໍ່ສົ່ງເສີມຂະແໜງອຸດສະຫະກໍາປຸງແຕ່ງ, ຂະແໜງບໍລິການ, ກະສິກໍາສະອາດ,ການຂົນສົ່ງ, ການສຶກສາ ແລະ ສາທາລະນະສຸກ, ຂະນະດຽວກັນກໍແນ່ໃສການດຶງດູດການລົງທຶນໃໝ່ໃນຂະແໜງປະກອບສີ້ນສ່ວນອີເລັກໂຕຼນິກ ແລະ ອື່ນໆໃນເຂດເສດຖະກິດພິເສດ ແລະສະເພາະ.

ທ່ານອໍານວຍການຫົວໜ້າພາກພື້ນ(MUFG)ກ່າວວ່າ: ພວກເຮົາໝັ້ນໃຈວ່າການລົງທຶນຈາກຕ່າງປະເທດໃນລາວຈະມີແນວໂນ້ມເພີ່ມຂຶ້ນ, ໂດຍສະເພາະພາຍຫລັງເປັນປະຊາຄົມເສດຖະກິດອາ ຊຽນ(AEC) ໃນທ້າຍປີ 2015ນີ້ ແລະ ປັດຈຸບັນສະມາຊິກຂອງສະພາການຄ້າຍີ່ປຸ່ນໃນລາວໄດ້ເພີ່ມຂຶ້ນຈາກ 39 ຫົວໜ່ວຍໃນປີ 2011 ມາເປັນ 80ຫົວໜ່ວຍໃນປີ 2015 ແລະ ມີມູນຄ່າການລົງທຶນຫລາຍຮ້ອຍລ້ານໂດລາສະຫະລັດໃນແຕ່ລະປີ, ສະນັ້ນການລົງນາມເທື່ອນີ້ຍິ່ງຈະມີຄວາມສໍາຄັນໃນການດຶງດູດເອົາບັນດາບໍລິສັດຂອງຍີ່ປຸ່ນ ແລະ ບໍລິສັດລະດັບໂລກມາລົງທຶນຢູ່ປະເທດລາວດ້ວຍເຄືອຂ່າຍຂອງພວກເຮົາທີ່ມີຫລາຍກວ່າ 40 ປະເທດທົ່ວໂລກ.

ທ່ານປະທານທະນາຄານກຸງສີກ່າວວ່າ: ທະນາຄານພວກເຮົາໄດ້ເປີດສາຂາຢູ່ລາວມາແຕ່ປີ 1994 ຄືຢູ່ນະຄອນຫລວງວຽງຈັນ ແລະ ແຂວງສະຫວັນນະເຂດໃນປີ 2008 ຍ້ອນເສດຖະກິດຂອງລາວມີການເຕີບໃຫຍ່ວ່ອງໄວສະເລ່ຍ 7-8% ຕໍ່ປີຈຶ່ງເປັນແນວໂນ້ມທີ່ສໍາຄັນຂອງການດຶງດູດການລົງທຶນຈາກຕ່າງປະເທດເຂົ້າມາລາວຫລາຍຂຶ້ນໃນຊຸມປີຕໍ່ໜ້າ, ໂດຍສະເພາະໃນເຂດເສດຖະກິດພິເສດສະຫວັນ-ເຊໂນ, ເຂດອຸດສະຫະກໍາ ແລະ ການຄ້າວຽງຈັນ ແລະເຂດເສດຖະກິດອື່ນໆ, ເຊິ່ງຖືວ່າເປັນທ່າແຮງຊຸກຍູ້ການຂະຫຍາຍຕົວຂອງເສດຖະກິດ ແລະ ສ້າງວຽກເຮັດງານທໍາໃຫ້ປະຊາຊົນ, ທັງເປັນການປະຕິບັດຕາມທິດຫັນເປັນອຸດສະຫະກໍາ ແລະ ທັນສະໄໝເທື່ອລະກ້າວ.

ແຫ່ລງຂ່າວ

ລພນ

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...