ເມື່ອ​ວັນທີ່ 20 ພະຈິກ ເປັນ​ວັນທີ່​ລະບົບ​ປະຕິບັດການ Windows ຂອງ​ໄມ​ໂຄ​ຊອບມີ​ອາ​ຍຸ​ຄົບ 30 ປີ ໂດຍ Windows ລຸ້ນ​ທຳອິດ​ຫລື Windows 1.0 ນັ້ນ​ເລີ່ມ​ວາງ​ຈຳ​ໜ່າຍ​ເປັນ​ເທື່ອ​ທຳອິດ​ເມື່ອ​ວັນທີ່ 20 ພະຈິກ 1985  ຊຶ່ງ​ໃນ​ໄລຍະທຳອິດ​ຍັງ​ເປັນ​ລະບົບ​ປະຕິບັດການ​ທີ່​ບໍ່​ຄ່ອຍ​ໄດ້ຮັບ​ຄວາມ​ນິຍົມ​ເທົ່າ​ທີ່​ຄວນ ແຕ່​ຫລັງ​ຈາກ​ທີ່​ມີ​ການ​ປັບປຸງ​ໃຫ້​ມີ​ປະ​ສິດ​ທິ​ພາບ​ຫລາຍ​ຂຶ້ນ Windows ກໍ​ເລີ່ມ​ໄດ້ຮັບ​ຄວາມ​ນິຍົມ​ສູງ​ຂຶ້ນ​ຕັ້ງ​ແຕ່ Windows 3.0 ແລະ​ຫລັງ​ຈາກ​ນັ້ນ​ກໍ​ມີ Windows ລຸ້ນ​ອື່ນໆອອກ​ມາ​ໃຫ້​ຊາວ​ໂລກ​ໄດ້​ໃຊ້​ງານ​ກັນ​ອີກ​ເລື້ອຍ​ໆ ​ຈົນ​ເຖິງ Windows 10 ໃນ​ປະຈຸບັນ