spot_img
Homeຂ່າວການສຶກສານ້ຳເທີນ 2 ມອບ 3 ທຶນ ໃຫ້ນັກສຶກສາແຂວງຄຳມ່ວນ

ນ້ຳເທີນ 2 ມອບ 3 ທຶນ ໃຫ້ນັກສຶກສາແຂວງຄຳມ່ວນ

Published on

7d2b7cc92f56542f365b300ecbdb1425

ໃນ​ວັນ​ທີ 20 ພະຈິກ 2015 ທີ່​ວິທະຍາໄລ​ເຕັກນິກ ລາວ-ເຢຍລະ​ມັນ ໄດ້​ຈັດ​ພິທີ​ຕ້ອນຮັບ​ນັກສຶກ​ສາ​ແຂວງ​ຄຳ​ມ່ວນ ທີ່​ໄດ້​ທຶນການ​ສຶກ​ສາ​ໄລຍະ​ຍາວ​ຈາກ​ບໍ​ລິສັດ​ນ້ຳ​ເທີນ 2 (NTPC) ສຳລັບສຶກ​ສາ​ຢູ່​ວິທະຍາໄລ​ເຕັກນິກ ​ລາວ-ເຢຍ​ລະ​ມັນ ເປັນ​ປະທານ​ຮ່ວມຂອງທ່ານ ສົມ​ລິດ ວິ​ຣິ​ວົງ ຜູ້​ອຳນວຍ​ການ​ວິທະຍາໄລ​ເຕັກນິກ ລາວ-ເຢຍ​ລະ​ມັນ ແລະ ທ່ານ ດາ​ວິດ ເລີ​ນີ ຫົວໜ້າ​ຝ່າຍ​ບຸກ​ຄະລາ​ກອນ ແລະ ບໍລິຫານ​ຂອງ​ບໍ​ລິສັດ​ນ້ຳ​ເທີນ 2 ໂດຍ​ມີທ່ານ ໜູ​ພັນ ອຸດ​ສາ ຫົວໜ້າ​ກົມ​ອາຊີວະ​ສຶກ​ສາ ພ້ອມ​ດ້ວຍ​ຄູ​ອາຈານ ນ້ອງ​ນັກ​ສຶກ​ສາ ແລະ ແຂກ​ທີ່​ຖືກເຊີນ​ເຂົ້າ​ຮ່ວມ.

ບໍລິສັດ​ນ້ຳ​ເທີນ 2 ໄດ້​ຈັດ​ຕັ້ງປະຕິບັດ​ໂຄງການ​ທຶນ​ການ​ສຶກ​ສາ ເພື່ອ​ໂອກາດ​ໃຫ້​ແກ່​ຄົນ​ທ້ອງຖິ່ນ ໄດ້​ມີ​ໂອກາດ​ພັດທະນາ​ທັກ​ສະ ແລະ ສ້າງ​ໂອກາດ​ການ​ຈ້າງ​ງານ ໃນ​ຂະແໜງ​ພະລັງງານ​ໄຟຟ້າ​ນ້ຳຕົກ​ໃນ​ອະນາຄົດ ສຳລັບ​ສົກ​ປີ 2015-2016 ບໍລິສັດ​ດັ່ງກ່າວ​ໄດ້ມອບ​ທຶນ​ການ​ສຶກ​ສາ​ໃຫ້​ນັກຮຽນແຂວງ​ຄຳ​ມ່ວນ ລວມ​ທັງ​ໝົດ 13 ທຶນ ໃນ​ນັ້ນ ລວມ​ມີ 7 ທຶນ​ສຳລັບນັກຮຽນ​ຈາກ​ເຂດ​ຍົກຍ້າຍ​ຈັດ​ສັນ​ເມືອງ​ນາ​ກາຍ ​ເພື່ອ​ສຶກ​ສາ​ຕໍ່​ທີ່​ວິທະ​ຍາ​ໄລ​ອາຊີວະ​ແຂວງ​ຄຳ​ມ່ວນ ແລະ 3 ທຶນ​ເພື່ອ​ສຶກ​ສາ​ຕໍ່​ທີ່​ມະຫາ​ວິທະຍາໄລ​ສະຫວັນ​ນະ​ເຂດ ແລະ ສ່ວນ 3 ທຶນ​ແມ່ນ​ມາ​ສຶກສາ​ຕໍ່​ທີ່​ວິທະຍາໄລ​ການ​ຊ່າງ ​ລາວ-ເຢຍ​ລະ​ມັນ ທີ່​ນະຄອນຫຼວງ​ວຽງຈັນ ເຊິ່ງ​ໃນ 3 ທຶນ​ດັ່ງກ່າວ​ທີ່​ມາສຶກ​ສາ​ຕໍ່​ທີ່​ວິທະຍາໄລ​ການ​ຊ່າງ ລາວ-ເຢຍ​ລະ​ມັນ ນີ້​ແມ່ນ​ໄດ້​ມາສຶກ​ສາ​ຕໍ່​ຊັ້ນ​ສູງ​ຫຼັກສູດ 3 ປີ ໃນຂະແໜງ​ໄຟຟ້າ ເພື່ອ​ສົ່ງເສີມຄວາມ​ຮູ້​ຄວາມ​ສາມາດ ​ໃຫ້​ແທດເໝາະ​ກັບ​ສະພາບ​ຄວາມ​ຕ້ອງການ​ຕົວ​ຈິງ ແລະ ເພື່ອ​ຫຼຸດຜ່ອນນັກວິຊາການ​ຕ່າງປະເທດ ໂດຍເພີ່ມ​ນັກວິຊາການ​ພາຍ​ໃນ​ເພີ່ມຂຶ້ນ ແລະ ສຳລັບ​ຜູ້​ທີ່​ໄດ້​ຮັບ​ທຶນໃນ​ໂຄງການ​ດັ່ງກ່າວ​ ແມ່ນ​ໄດ້ຜ່ານ​ການ​ສອບເສັງ​ຄັດ​ເລືອກຕາມ​ມາດຕະຖານ ທີ່​ບໍລິສັດ​ນ້ຳເທີນ 2 ໄດ້​ວາງ​ໄວ້.

ແຫ່ລງຂ່າວ

ວຈໝ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...