ສຳນັກຂ່າວຕ່າງປະເທດ ລາຍງານໃນວັນທີ 23 ພະຈິກຜ່ານມານີ້ວ່າ ທ່ານ ເດວິດ ຄາເມຣອນ ນາຍົກລັດຖະມົນຕີອັງກິດ ກຽມຍົກເອົາເຫດການ ໂຈມຕີປາຣີ ມາເປັນຂໍ້ອ້າງ ເພື່ອຂໍການສະໜັບສະໜູນ ຈາກລັດຖະສະພາ ໃນການອະນຸຍາດໃຫ້ອັງກິດ ເຂົ້າຮ່ວມປະຕິບັດການທາງອາກາດ ໂຈມຕີກຸ່ມໄອເອັສ ໃນປະເທດຊີຣີ ໂດຍທ່ານມີຄວາມເຊື່ອໝັ້ນວ່າ ຈະສາມາດປຸກລະດົມ ສະມາຊິກພັກແຮງງານ ຊຶ່ງເປັນພັກຝ່າຍຄ້ານ ເພື່ອລົງຄະແນນໃຫ້ແກ່ແຜນການດັ່ງກ່າວ.
ທັງນີ້ ຄາດວ່າຜູ້ນຳອັງກິດ ຈະປະກາດຂໍເພີ່ມງົບປະມານພິເສດ ໃນດ້ານການທະຫານຂຶ້ນອີກ 18,2 ຕື້ໂດລາ ສຳລັບດຳເນີນການ ຕ້ານໄພຄຸກຄາມຕ່າງໆ ລວມທັງກຸ່ມໄອເອັສ.