ສຳນັກຂ່າວຕ່າງປະເທດ ລາຍງານໃນວັນທີ 23 ພະຈິກນີ້ວ່າ ທ່ານ ເອຣິກ ຟານເດີຊິບ ໂຄສົກສຳນັກງານໄອຍະການກາງແບນຊິກ ໄດ້ເປີດຖະແຫລງຂ່າວວ່າ ຕຳຫລວດແບນຊິກ ໄດ້ລະດົມກຳລັງ ກວດຄົ້ນສະຖານທີ່ຖືກສົງໄສ 19 ແຫ່ງ ໃນຄອນຫລວງບຣຸກແຊນ ແລະ ຈັບກຸມບຸກຄົນ ທີ່ອາດມີສ່ວນພົວພັນກັບ ເຫດການໂຈມຕີປາຣີ ໄດ້ອີກ 16 ຄົນ ໃນວັນອາທິດຜ່ານມາ (22 ພະຈິກ) ໃນຂະນະທີ່ ທ່ານ ຊາຣ໌ ມິເຊວ ນາຍົກລັດຖະມົນຕີແບນຊິກ ໄດ້ປະກາດອີກວ່າ ລັດຖະບານ ຈະຍັງຄົງມາດຕະການ ເຝົ້າລະວັງຂັ້ນສູງສຸດ ຢູ່ນະຄອນຫລວງບຣຸກແຊນ ອີກຕໍ່ໄປຈົນຮອດມື້ນີ້ (23 ພະຈິກ) ດ້ວຍການສັ່ງປິດໂຮງຮຽນ ມະຫາວິທະຍາໄລ ແລະ ລົດໄຟຟ້າໃຕ້ດິນ ເນື່ອງຈາກພົບ ມີຄວາມສ່ຽງຮຸນແຮງ ທີ່ອາດຈະເກີດ ເຫດການໂຈມຕີ ຄ້າຍຄືກັບຢູ່ນະຄອນຫລວງປາຣີ ປະເທດຝຣັ່ງ.