ຂປລ. ລັດຖະບານຍີ່ປຸ່ນ ໄດ້ນຳເອົາອາຫານສຳເລັດຮູບ (ປ໋ອງປາ) ຈຳນວນ 49 ພັນກວ່າໂຕນ ມອບໃຫ້ລັດຖະບານ ແຫ່ງ ສປປ ລາວ ໃນວັນທີ 20 ພະຈິກ 2015 ນີ້, ເພື່ອນຳໄປມອບໃຫ້ໂຮງຮຽນເຂດຫ່າງໄກສອກຫລີກ ຕາງໜ້າມອບໂດຍທ່ານ Ryotaro SUZUKI ຜູ້ຕາງໜ້າເອກອັກຄະຣາຊະທູດວິສາມັນຜູ້ມີອຳນາດເຕັມ ແຫ່ງ ປະເທດຍີ່ປຸ່ນ ປະຈຳ ລາວ ແລະ ຮັບໂດຍ ທ່ານ ລີຕູ້ ບົວປາວ ລັດຖະມົນຕີຊ່ວຍວ່າການກະຊວງສຶກສາທິການ ແລະ ກິລາ.
ອາຫານສຳເລັດຮູບຈຳນວນ ດັ່ງກ່າວ ລັດຖະບານລາວ ກໍຄື ກະຊວງສຶກສາທິການ ແລະ ກິລາ ຈະນຳໄປມອບໃຫ້ໂຮງຮຽນເຂດຫ່າງໄກສອກຫລີກ ຈຳນວນ 264 ໂຮງຮຽນ ໃນຂອບເຂດທົ່ວປະເທດ ໂດຍຜ່ານໂຄງການອາຫານເສີມໃນໂຮງຮຽນ ເພື່ອເຮັດໃຫ້ເດັກນ້ອຍລາວບັນດາເຜົ່າ ທີ່ທຸກຍາກຂາດເຂີນດ້ານສະບຽງອາຫານ ຢູ່ເຂດຊົນນະບົດ ໄດ້ມີອາຫານການກິນພຽງພໍ ແລະ ມີຄຸນນະພາບ, ມີການຮັບປະກັນທາງດ້ານໂພຊະນາການ, ທັງເປັນການຊຸກຍູ້ສົ່ງເສີມໃຫ້ເດັກນ້ອຍລາວ ບັນດາເຜົ່າ ມີສຸຂະພາບສົມບູນ-ແຂງແຮງ ແລະ ມີຊີວິດການເປັນຢູ່ທີ່ດີ.
ແຫລ່ງຂ່າວ:
