ສຳນັກຂ່າວຕ່າງປະເທດ ລາຍງານໃນວັນທີ 22 ພະຈິກຜ່ານມານີ້ວ່າ ເກີດເຫດບໍ່ຫີນຢົກຍຸບ ຢູ່ແຂວງຜາກັນ (Hpakant) ລັດກະສິ່ນ ທາງພາກເໜືອຂອງມຽນມາ ພົບມີຜູ້ເສຍຊີວິດຢ່າງໜ້ອຍ 97 ຄົນ ແລະ ຍັງມີຜູ້ສູນຫາຍອີກນັບຮ້ອຍ ໂດຍເຈົ້າໜ້າທີ່ກູ້ໄພ ໄດ້ເລັ່ງຄົ້ນຫາຜູ້ລອດຊີວິດ ດ້ວຍຄວາມຫຍຸ້ງຍາກ ເນື່ອງຈາກເປັນພື້ນທີ່ທຸລະກັນດານ. ເຫດສະຫລົດໃຈ ດັ່ງກ່າວນີ້ ເກີດຂຶ້ນໃນເວລາ 3:00 ໂມງເຊົ້າ ຂອງວັນເສົາທີ 21 ພະຈິກຜ່ານມາ ຊຶ່ງເປັນເວລາທີ່ກຳມະກອນບໍ່ຢົກດັ່ງກ່າວ ກຳລັງນອນຫລັບຢູ່.
