spot_img
Homeຂ່າວພາຍ​ໃນກົມກິລາລະດັບສູງ ຈັດການແຂ່ງຂັນກິລາບານສົ່ງ ໃນຮົ່ມຊາຍ-ຍິງ

ກົມກິລາລະດັບສູງ ຈັດການແຂ່ງຂັນກິລາບານສົ່ງ ໃນຮົ່ມຊາຍ-ຍິງ

Published on

ກະຊວງສຶກສາທິການ ແລະ ກິລາ ອະນຸມັດໃຫ້ສະຫະ ພັນບານສົ່ງແຫ່ງຊາດລາວ ຮ່ວມກັບກົມກິລາລະດັບສູງ ຈັດການແຂ່ງຂັນກິລາບານສົ່ງ ໃນຮົ່ມຊາຍ-ຍິງລະຫວ່າງ ວັນທີ 24-30 ພະຈິກ 2015 ນີ້, ຊີງຂັນທ່ານຮອງນາຍົກລັດຖະມົນຕີ ລັດຖະມົນຕີວ່າການກະຊວງສຶກສາທິການ ແລະ ກິລາ ຄັ້ງທີ III ປະຈຳປີ 2015.
ພິທີຖະແຫຼງຂ່າວໄດ້ຈັດຂຶ້ນເມື່ອບໍ່ດົນມານີ້, ທີ່ນະຄອນຫຼວງວຽງຈັນ ໂດຍມີ ທ່ານ ສົມພູ ພົງສາ ຜູ້ຊ່ວຍລັດຖະມົນຕີວ່າ ການກະຊວງສຶກສາທິການ ແລະ ກິລາ, ທັງເປັນຮອງປະທານ ແລະ ເລຂາທິການຄະນະກຳມະການໂອແລັມປິກແຫ່ງຊາດລາວ, ທ່ານ ນາງ ພູນສະຫວັດ ອຸນນະລົງ ຜູ້ຈັດການພົວພັນພາກລັດຂອງບໍລິສັດເບຍລາວຈຳກັດ, ທ່ານ ນາງ ພູໄຊ ແພງພົງ ຮອງຫົວໜ້າກົມ ກິລາລະດັບສູງ ຊຶ່ງມີສື່ມວນຊົນທຸກຂະແໜງການເຂົ້າຮ່ວມ.

ທ່ານ ຈັນສະໝອນ ຜອງຈັນທາ ຮັກສາການປະທານ ສະຫະພັນບານສົ່ງແຫ່ງຊາດລາວ ກ່າວວ່າ: ຈຸດປະສົງຂອງການຈັດການແຂ່ງຂັນໃນຄັ້ງນີ້ ເພື່ອປະຕິບັດຕາມແຜນການ ເຄື່ອນໄຫວ ແລະ ຈັດການແຂ່ງຂັນປະຈຳປີຂອງສະຫະພັນບານສົ່ງແຫ່ງຊາດລາວປະຈຳປີ 2015 ທັງເປັນການສ້າງຂະບວນການເພື່ອສະເຫຼີມສະຫຼອງ 2 ວັນປະຫວັດສາດຄື: ວັນສະຖາປະນາ ສປປ ລາວ ຄົບຮອບ 40 ປີ ແລະ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 60 ປີ, ພ້ອມດຽວກັນນີ້ກໍເພື່ອໃຫ້ຊາວໜຸ່ມ, ນັກຮຽນ, ນັກສຶກ ສາໄດ້ມີສ່ວນຮ່ວມໃນການເຄື່ອນໄຫວຫຼິ້ນກິລາ ແລະ ໃຊ້ເວລາຫວ່າງໃຫ້ເປັນປະໂຫຍດ ແລະ ຫ່າງໄກຈາກສິ່ງເສບຕິດຕ່າງໆ ແລະ ເພື່ອຮັດແໜ້ນຄວາມສາມັກຄີລະຫວ່າງຄະ ນະນຳ, ຄູຝຶກ, ນັກກິລາແຕ່ລະສະໂມສອນ, ທັງເປັນການທົດສອບຄວາມພ້ອມຂອງບັນດາທີມແຕ່ລະສະໂມສອນ, ເປັນການພັດທະນາ, ຍົກລະດັບວິຊາການ, ລະບົບການຈັດການແຂ່ງຂັນ, ກຳມະການຕັດສິນຂອງສະຫະພັນບານສົ່ງແຫ່ງຊາດໃຫ້ມີທ່າກ້າວຂຶ້ນສູ່ລະດັບພາກພື້ນ ແລະ ສາກົນ.

ຈຳນວນສະໂມສອນເຂົ້າຮ່ວມແຂ່ງຂັນມີດັ່ງລຸ່ມນີ້: ທີມຊາຍມີ 9 ສະໂມສອນຄື: ສະໂມສອນກອງກິລາກອງທັບ, ລາວເດີນອາກາດ, ຊ່າງແສງ, ປ້ອງກັນຄວາມສະຫງົບ, ລວມດາວ, ວຽງຈັນ, ມສ ສຸພານຸວົງ, ມະຫາວິທະຍາໄລແຫ່ງຊາດ ແລະ ສະໂມສອນ ມະຫາວິທະຍາໄລ-ວິທະຍາສາດສຸຂະພາບ, ທີມຍິງມີ 6 ສະໂມ ສອນຄື: ສະໂມສອນກົມວິທະຍາສາດ- ປະຫວັດສາດການທະຫານ,ກອງກິລາກອງທັບ, ວຽງຈັນ, ປ້ອງກັນຄວາມສະຫງົບ, ມະຫາວິທະຍາໄລແຫ່ງຊາດ ແລະ ສະໂມສອນແຂວງສະຫວັນນະເຂດ.

ການແຂ່ງຂັນຈະຈັດຂຶ້ນ ຢູ່ທີ່ເດີ່ນກິລາໃນຮົ່ມບຶງຂະຫຍອງ ພິເສດປີນີ້ສະຫະພັນຈະໄດ້ນຳເອົາພື້ນຢາງທີ່ຮັບໃຊ້ການແຂ່ງຂັນລະດັບສາກົນມາປູໃຫ້ນັກກິລາໄດ້ສຳຜັດກັບເດີ່ນມາດຖານສາກົນ, ສະເພາະການແຂ່ງຂັນໃນລາຍການນີ້ໄດ້ຮັບອຸປະຖຳຫຼັກຈາກບໍລິສັດ ເບຍລາວ ຈຳກັດ. ເຂົ້າຊົມໂດຍບໍ່ເສຍຄ່າ.

S1-1

ຂ່າວຈາກ: ໜັງສືພິມປະຊາຊົນ

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...