ຕ້ອງພິສູດກັນແດ່ວ່າເຈົ້າບໍ່ໄດ້ຂັບລົດເປັນຄົນເຖົ້າ! ເກມນີ້ອາດຊ່ວຍພິສູດໄດ້ ສິ່ງທີ່ເຈົ້າຕ້ອງເຮັດກໍບໍ່ໄດ້ມີຫຍັງຫລາຍ ພຽງແຕ່ກົດແປ້ນພິມເມື່ອເຫັນເຄື່ອງໝາຍທີ່ບອກໃຫ້ຢຸດ ຊຶ່ງການຄາດເດົາອາຍຸຂອງເຈົ້າຈະຂຶ້ນຢູ່ກັບຄວາມໄວຂອງປະຕິກິລິຍາຕອບສະໜອງ
ເກມນີ້ຖືກສ້າງຂຶ້ນໂດຍ JustPark ຜູ້ໃຫ້ບໍລິການຈັດຫາທີ່ເຊົ່າຈອດລົດໃນລອນດອນ ໂດຍອັນກໍລິທຶມທີ່ໃຊ້ກຳນົດອາຍຸການຂັບຂີ່ຂອງເຈົ້າມາຈາກການບັນທຶກເວລາຂອງປະຕິກິລິຍາຕອບສະໜອງຂອງຄົນ 2,000 ຄົນ ທີ່ມີອາຍຸ 18 ປີຂຶ້ນໄປ
The Daily Mail ລາຍງານບາງສ່ວນຂອງຜົນງານວິໄຈອື່ນໆ ພົບວ່າ ຜູ້ທີ່ດື່ມຊາແລະກາເຟ 1-5 ແກ້ວ ຈະມີປະຕິກິລິຍາຕອບສະໜອງທີ່ດີ ໃນຂະນະທີ່ການດື່ມທີ່ໜັກຂຶ້ນ ໂດຍດື່ມແອລກໍຮໍລະຫວ່າງ 31-40 ຫນ່ວຍບໍລິໂພກແອລກໍຮໍແຕ່ລະຊະນິດ (unit of alcohol) ຕໍ່ອາທິດຈະມີປະຕິກິລິຍາຕອບສະໜອງທີ່ຊ້າລົງ
ບໍ່ໜ້າແປກໃຈເລີຍທີ່ຜູ້ທີ່ໃຊ້ລົດເປັນປະຈຳຈະມີປະຕິກິລິຍາທີ່ຕອບສະໜອງທີ່ດີກວ່າ
ໃນສ່ວນຂອງການປຽບທຽບລະຫວ່າງເພດ ຜູ້ຊາຍຈະມີຄ່າສະເລ່ຍການຕອບສະໜອງຢູ່ທີ່ 547 milliseconds ໃນຂະນະທີ່ຜູ້ຍິງຢູ່ທີ່ 566 milliseconds
ແລະທີ່ໜ້າແປກໃຈຄື ຜູ້ທີ່ຖະຫນັດຊ້າຍຈະໃຊ້ເວລາສະເລ່ຍຢູ່ທີ່ 461 milliseconds ຊຶ່ງດີກວ່າຄົນຖະຫນັດຂວາທີ່ມີຄ່າສະເລ່ຍຢູ່ທີ່ 525 milliseconds
ລອງຫລິ້ນເກມນີ້ເບິ່ງ ພຽງແຕ່ຄລິກ start ແລ້ວກົດແປ້ນພິມທັນທີທີ່ສັນຍານຢຸດປາກົດຂຶ້ນ ເບິ່ງວ່າອາຍຸຂອງເຈົ້າຢູ່ທີ່ເທົ່າໃດ?
