ສຳນັກຂ່າວຕ່າງປະເທດ ລາຍງານໃນວັນທີ 18 ພະຈິກຜ່ານມານີ້ວ່າ ເຈົ້າໜ້າທ່ີກະຊວງການຕ່າງປະເທດກຳປູຈຍ ໄດ້ຖະແຫລງວ່າ ທ່ານ ດິມີທຣີ ເມດເວເດບ ນາຍົກລັດຖະມົນຕີຣັດເຊຍ ຈະເດີນທາງຢ້ຽມຢາມ ຣາຊະອານາຈັກກຳປູເຈຍ ເປັນຄັ້ງທຳອິດ ໃນລະຫວ່າງວັນທີ 22-24 ພະຈິກ ໂດຍໃນລະຫວ່າງການຢ້ຽມຢາມ ຈະມີການເຂົ້າຮ່ວມເປັນສັກຂີພະຍານ ໃນພິທີລົງນາມເອກະສານຮ່ວມມື 6 ສະບັບ ຊຶ່ງປະກອບດ້ວຍ ຂໍ້ຕົກລົງຮ່ວມມື ລະຫວ່າງພັກປະຊາຊົນກຳປູເຈຍ ແລະ ພັກຢູໄນເຕັດຣັດເຊຍ, ຂໍ້ຕົກລົງໃນການແລກປ່ຽນຂໍ້ມູນ ດ້ານການຟອກເງິນ ແລະ ການກໍ່ການຮ້າຍທາງການເງິນ, ຂໍ້ຕົກລົງກ່ຽວກັບການຮ່ວມມື ດ້ານການລົງທຶນ ແລະ ບົດບັນທຶກຄວາມເຂົ້າໃຈ ລະຫວ່າງສຳນັກຂ່າວ ແລະ ວິທະຍຸແຫ່ງຊາດກຳປູເຈຍ – ສຳນັກຂ່າວຣັດເຊຍ.