ສຳນັກຂ່າວຕ່າງປະເທດ ລາຍງານໃນວັນທີ 19 ພະຈິກນີ້ວ່າ ເຮືອບິນນັກທ່ອງທ່ຽວຈາກໂປໂລຍ ຖ້ຽວບິນ LLP 8015 ບັນທຸກຜູ້ໂດຍສານ ແລະ ລູກເຮືອທັງໝົດ 161 ຄົນ ມຸ່ງໜ້າໄປຍັງປະເທດເອຢິບ ໄດ້ລົງຈອດສຸກເສີນທີ່ບູນກາຣີ ເນື່ອງຈາກມີຜູ້ໂດຍສານຄົນໜຶ່ງ ໄດ້ປະກາດວ່າມີລະເບີດ ຢູ່ເທິງເຮືອບິນລຳດັ່ງກ່າວ ໂດຍພາຍຫລັງລົງຈອດສຸກເສີນ ເຈົ້າໜ້າທີ່ບູນກາຣີ ໄດ້ທຳການກວດຄົ້ນ ຊອກຫາວັດຖຸລະເບີດ ຢ່າງຮີບດ່ວນ ແຕ່ກໍບໍ່ພົບ ເຮັດໃຫ້ເຈົ້າໜ້າທີ່ ໄດ້ທຳການນຳຕົວຊາຍຄົນໜຶ່ງ ຜູ້ປະກາດວ່າມີລະເບີດ ໄປທຳການສອບສວນທັນທີ.