ວັນທີ 18 ພະຈິກນີ້, ທ່ານ ສົມຈິດ ອິນທະມິດ ລັດຖະມົນຕີຊ່ວຍວ່າການກະຊວອຸດສາຫະກຳ ແລະ ການຄ້າໄດ້ຖະແຫຼງຕໍ່ສື່ມວນຊົນກ່ຽວກັບການກະກຽມການຈັດງານວາງສະແດງຜົນສຳ ເລັດຂອງການພັດທະນາເສດຖະກິດ-ສັງຄົມແລະການຄ້າ 40 ປີຫຼືວຽງຈັນ EXPO 2015 ຊຶ່ງຈະຈັດຂຶ້ນ, ຢູ່ສູນການຄ້າໄອເຕັກມໍຊັ້ນ 7, ໃນວັນທີ 28 ພະຈິກ – 7 ທັນວານີ້ວ່າ: ງາວາງສະ ແດງດັ່ງກ່າວເປັນກິດຈະກຳໜ່ຶງທີ່ກະຊວງອຸດສາຫະກຳ ແລະ ການຄ້າໄດ້ຮັບມອບໝາຍໃຫ້ຈັດຂື້ນເນື່ອງໃນໂອກາດການສະເຫຼີມສະຫຼອງວັນຊາດທີ 2 ທັນວາທັງເປັນການໂຄສະນາເຜີຍແຜ່ຜົນສຳ ເລັດຕ່າງໆແຫງການສ້າງສາພັດທະນາປະເທດຕະຫຼອດໄລຍະ 40 ຜ່ານມາໃຫ້ປະຊາຊົນບັນດາ ເຜົ່າໄດ້ຮັບຮູ້ເຖິງການເຕີບໃຫຍ່ຂອງຫຍາຍຕົວຂອງປະເທດ, ຊຶ່ງມາຮອດປັດຈຸບັນມີບັນດາແຂວງ,ຫົວໜ່ວນທຸກລະກິດ ແລະ ອົງການຈັດຕັ້ງຕ່າງໆ, ທັງພາກລັດ ແລະ ເອກະຊົນໄດ້ແຈ້ງຊື່ເຂົ້າຮ່ວມງານສະແດງແລ້ວເປັນຈຳນວນຫຼາຍ ແລະ ຄາດວ່ານັບແຕ່ນີ້ຫາວັນທີ 28 ພະຈິກນີ້ຈຳນວນຜູ້ເຂົ້າຮ່ວມວາງສະແດງຍັງຈະຫຼາຍ

ຂຶ້ນ, ສຳລັບທຸກຜະລິດຕະພັນທີ່ເຂົ້າຮ່ວມວາງສະແດງລ້ວນແລ້ວແຕ່ເປັນຜະລິດຕະພັນທີ່ມີຄວາມໂດດເດັ່ນ, ເປັນທ່າແຮງ, ສາມາດແຂ່ງຂັນ ແລະ ສົ່ງອອກຕ່າງປະເທດໄດ້ ແລະ ນອກນັ້ນຍັງຈະມີສິນຄ້າ ແລະ ຜະລິດຕະພັນຈາກບັນດາປະເທດອາຊຽນຫຼາຍກວ່າ 50 ຫົວໜ່ວຍທຸລະກິດເຂົ້າຮ່ວມນຳດ້ວຍ.

ລັດຖະມົນຕີຊ່ວຍກ່າວວ່າ: ວຽງຈັນ EXPO 2015 ເປັນງານວາງສະແດງສິນຄ້າລະດັບພາກພື້ນແລະ ສາກົນ, ຈຸດປະສົງຫຼັກແມ່ນເພື່ອສະເຫຼີມສະຫຼອງວັນສະຖາປະນາ ສປປ ລາວ ຄົບ ຮອບ 40 ປີ, ພ້ອມທັງເປັນການເປີດໂອກາດໃຫ້ພາກທຸລະກິດຫຼືອົງການຈັດຕັ້ງຕ່າງໆທັງພາຍໃນ ແລະຕ່າງປະເທດໂຄສະນາຜະລິດຕະພັນຂອງຕົນຈາກກິດຈະກຳຕ່າງໆເຊັ່ນ: ການວາງສະແດງສິນຄ້າຜົນງານການພັດທະນາເສດຖະກິດສັງຄົມປະເທດເຮົາໃນໄລຍະ40 ປີຜ່ານມາ, ນອກຈາກນີ້ຍັງມີການສາທິດການຜະລິດສິນຄ້າທີ່ເປັນເອກະລັກຂອງປະເທດເຮົາເຊັ່ນ: ການຕ່ຳຫູກ,ສາວໄໝ, ການຈັກສານ, ແກະສະຫລັກ ແລະ ອື່ນໆ, ດັ່ງນັ້ນ ຈຶ່ງເຊີນຊວນທຸກພາກສ່ວນໃນສັງຄົມເຂົ້າຮ່ວມວາງສະແດງຜົນງານຂອງຕົນປະກອບສ່ວນໃຫ້ແກ່ການສະເຫຼີມສະຫຼອງວັນປະຫວັດສາດສຳຄັນດັ່ງກ່າວມີບັນຍາກາດຟົດຟື້ນຍິ່ງຂື້ນ.

ແຫ່ລງຂ່າວ