ເພື່ອເປັນການຫວນຄືນມູນເຊື້ອປະຫວັດສາດ ອັນພິລະອາດຫານຂອງທ່ານຜູ້ນຳ ພັກ-ລັດ ກໍ່ຄືບັນດາພໍ່ແມ່ປະຊາຊົນລາວບັນດາເຜົ່າໃນທົ່ວປະເທດ ທີ່ພ້ອມກັນເປັນຈິດໜຶ່ງໃຈດຽວກັນ ລຸກຂຶ້ນຕໍ່ສູ້ກູ້ຊາດບໍ່ຍອມຈຳນົນແກ່ພວກຈັກກະພັດລ່າເມືອງຂຶ້ນ ທັງເກົ່າ ແລະ ໃໝ່ ໃຫ້ຫຼຸດພົ້ນອອກຈາແອກຄອບຄອງຂອງສັກດີນາຕ່າງດ້າວ ບົນເສັ້ນທາງແຫ່ງການຕໍ່ສູ້ອັນຍາວນານລະອິດລະອ້ຽວຂ້ຽວຂາດຫຍຸ້ງຍາກ ສັບສົນ ແຕ່ເດັດຂາດມີໄຊ ພາຍໃຕ້ການນຳພາຂອງພັກທີ່ສະຫຼາດສ່ອງໃສ ນ້ຳໃຈບຸກປະຕິວັດ ສາມາດຕີເອົາຊະນະສັດຕູໃນແຕ່ລະໄລຍະເປັນກ້າວໆມາ ຈົນສາມາດປົດປ່ອຍປະເທດ ແລະ ສະຖາປະນາເປັນ ສປປ ລາວ ໃນວັນທີ 2 ທັນວາ 1975 ເຊິ່ງມາເຖິງປີນີ້ກໍ່ພໍດີຄົບຮອບ 40 ປີ.
ເພື່ອເຮັດໃຫ້ສະມາຊິກພັກພະນັກງານ-ລັດຖະກອນ ທະຫານ ຕຳຫຼວດ ພໍ່ແມ່ປະຊາຊົນລາວ ເຫັນໄດ້ຄວາມໝາຍຄວາມສຳຄັນ ແລະ ພ້ອມກັນເຊື່ອມຊຶມກຳແໜ້ນ ຮ່ຳຮຽນເອົາມູນເຊື້ອອັນພິລະອາດຫານ ນ້ຳໃຈຮັກຊາດ ບຸກປະຕິວັດສືບຕໍ່ຈັດຕັ້ງຜັນຂະຫຍາຍເນື້ອໃນຈິດໃຈດັ່ງກ່າວ ໃນໜ້າທີ່ວຽກງານວິຊາສະເພາະຂອງຕົນໃຫ້ມີຜົນສຳເລັດອັນຈົບງາມ.
ວັນທີ 17 ພະຈິກ 2015 ທີ່ພະແນກໂຍທາທິການ ແລະ ຂົນສົ່ງ (ຍທຂ) ນະຄອນຫຼວງວຽງຈັນ ໄດ້ຈັດປາຖະກະຖາຫວນຄືນມູນເຊື້ອວັນດັ່ງກ່າວຂຶ້ນ ໃຫ້ກຽດປາຖະກະຖາໂດຍທ່ານ ແກ້ວພິລາວັນ ອາໄພລາດ ຮອງເລຂາຄະນະພັກ ຮອງເຈົ້າຄອງນະຄອນຫຼວງວຽງຈັນ ມີບັນດາຄະນະພັກ ຄະນະພະແນກ ສະມາຊິກພັກ ແລະ ພະນັກງານ-ລັດຖະກອນ ພາຍໃນພະແນກດັ່ງກ່າວ ເຂົ້າຮ່ວມຮັບຟັງ.
ແຫ່ລງຂ່າວ
